|
استكمالا لسلسلة هموم
الشباب وايفائا لما وعدت به من التطرق لمشاكل وهموم شباب الكسوه سادخل
اليوم في هذا الجزء الى احد بيوت شباب من شبابنا مصطحبا معي ابو الميش
اعرفكم بابو الميش
ابو الميش هو الناقد
الساخر الذي سيرافقني في هذه الزيارة هو شخصيه وهميه أعطيتها زاويه من
زوايا ذهني ليتربع بها مضيفا الى المشكله النكهه والنقد الساخر وسوف أصوغ
هذه القصه بالعاميه نوعا ما لتكون اقرب الى القلب ، اجمل في الاداء ,,
تركت بيتي مغلقا ورائي
الأبواب قاصدا بيت الشاب محمد مصطحبا معي ابو الميش ...
بدأت الحكايه بوصولي الى
بيته قارعا الباب وما هي الا لحظات الى ان اطل محمد مرحباً بي مدخلني الى
غرفة متواضعه جدا ثم خرج وهنا بدأ ابوالميش قائلا
روح البك الفقر والتعتير
لوين جايبنا
ماهر:سكوت ابو الميش لسه
ما بلشنا بألعك هه !!
ابو المش :حاضر استاذ
وما هي الا لحظات ودخل
محمد مجددا وعلى وجهه ابتسامه مرحبا بي فسارعت الى الكلام قائلا :ايه محمد
ما بدي اعطلك جاي احكي معك كلمتين واروح عندي شغل
محمد:تفضل
ماهر:شو المشكله اللي
صارت معك منشان الغرفه اللي على السطح ..؟؟
محمد:ولله يا استاذ متل
ما بتعرف انا شب صار عمري 27سنه وعايش انا وامي وأخواتي البنات تنتين واخي
بالجيش والوالد عطاك عمره ..
ابو الميش:حلو كتير
ماهر :ابو الميش انت سكوت
احسنلك هه
ابو الميش:حاضر
ماهر:الله يرحمه
محمد:وانا موظف بمعمل
عملحق 7500وايام 8500
ابو الميش:ههههههه يعني
موظف
محمد:ومتل ما بتعرف بها
الوقت شو بدهن يكفوا ليكفوا
ماهر :والله معك حق
محمد :ونحنا بيتنا كله
غرفتين وبتعرف شب متلي نفسه يتجوز
ابو الميش:جواز ابرصي ان
شاء الله وين بدك تتجوز بهلقن ؟؟
ماهر:ابو الميش عيب عليك
حسن الفاظك
ابو الميش:مالك سا معو يا
استاذ شو عميحكي آل جواز من زمان الناس نسيت هالاكله
ماهر :ابو الميش عيرنا
سكوتك
محمد:خير استاذ شبك شي
ماهر:لا شردت شوي كمل
محمد:والله ضبيت ايدي شوي
وجمعت ارشين بيطلعوا شي 35الف وصرلي عمجمع فيهن يا سيدي .......والله نسيت
اديش
ماهر:حلو وبعدين ...
محمد:الت لحالي بعمل غرفه
على السطح وبلاقي بنت الحلال شغل دروشان متل حكايتي ومنتكل على الله
ماهر:وبعدين
محمد :والله صاحبي قال
جيب اللبلوك وانا بعمرهن والتاني قال انا بمد الكهربا وبيّاع الحديد أسطنا
الحديدات ..
ماهر:عال عال شوبدك احسن
من هيك
محمد:والله جبنا هلبلوكات
ولسه ماعمرنا اول حيط واذ واحد عميدق الباب فتحت وقلتله اهلين تفضل فجاوبني
وقال لاْ حبيبي مستعجل شو عمتسوي رديت وقلتله شواصدك فرد وقال وين رخصتك
ولك اناشرطي البلديه ...!!
محمد: أيا رخصه كلها غرفه
وبدنا نتجوز فيها عقبال ولادك ..
الشرطي:ولك تضرب شو دابه
ولك انته مابتفهم مفكر انو مافي بلديه مافي قانون انئبر روح طلّع رخصه.....
احسن ما نهدللك...!!!
محمد:ودار ضهره ومشي
وتاني يوم رحت اطلع رخصه عطوني الاوراق المطلوبه طلعت بتكلّف الرخصة 30الف
!!!
منشان الله شو عمعمر على
سطح الجيران ......السطح سطحي والبيت بيتي كمان فوق الدكه شرطوطه...
ماهر:فخرجت مستأذنا منصتا
لابو الميش وهو يقول عندي حل يروح يطالع رخصه وبعدين يكبرها على ورقه قياس
مترين بتلاته ويحط بكل زاويه اضيب حديد ويسكن تحتها بس يجلدها منيح من شان
ما اتشتش على الشتا ...
ماهر :ولك تضرب بهالحلق
جاي عبالي انفضك كفين اهرلك سنانك
ابو الميش:بتمون
ماهر:وهنا اكتملت القصه
ما رأيكم اليس عيب بل اكثر الى ان يصل الى حرام الا يجب تشكيل لجان لدراسة
هكذا اوضاع ؟؟؟
اليس من الواجب دعم هكذا
شباب؟؟؟
الا يجدر فرض التراخيص
على الجميع ؟؟
اليس بلأجدر من مجلس
مدينتنا الموقر في الكسوه اتباع نهج المساواة ام انها فقط كلمه نترنح عند
ذكرها في الخطابات الانتخابية وتتسابق الأكف للتصفيق عند سماعها ؟؟؟
ايها المجلس البلدي
الموقر اليكم سؤال قد يضع البعض في خانة اليك ...!! انظروا الى هذه الصور
واجيبوني
توسع النازحين
محلات مقابل المركز الصحي ( كراجات الكسوة - زاكية)
المساكن العسكرية
النازحين- منصورة
أين الرخص
عذرا منكم لن يقبل شبابنا الكلمات.....
ما نريد رؤيته صور عن الوثائق ان كانت هناك وثائق لنعزز
الثقة بيننا وبينكم إن بقيت هناك ثقة ...!!!
بانتظار جواب مجلس المدينة الموقر
ماهر الجراح
للتعليق على الموضوع
|
