أصحاب المحلات والمكاتب والعيادات الواقعة على الشارع العام ( القوتلي ) نتقدم إليكم بهذا الطلب المتواضع ونعرض من خلاله من مقترحات حول تحسين هذا الشارع الحيوي .
إن الشارع الرئيسي في مدينة الكسوة لا يعتبر الشريان أو العصب للمدينة فحسب وإنما هو السوق الوحيد الذي يخدم جميع المناطق والقرى والمنشات الصناعية والمعامل المحيطة بمدينة الكسوة ، ويعتبر أيضا سوقا تجاريا مهما وهو الأوحد في المنطقة الجنوبية تقريبا ، حيث يبلغ عدد المحلات المتواجدة فيه حوالي 230 محل تجاري بين دوارين الكبير والثوم بمسافة 920 متر تحديدا وهو رقم لا يستهان به ، علما انه يساوي مئات ملايين الليرات وبجهودكم الكريمة نود أن نرفع السوية الخدمية للسوق مما يعكس مظهرا حضاريا على كل المدينة واليكم مطالبنا :
.jpg)
أولا – ( والأهم ) تغيير اتجاه الشارع حيث يصبح مدخلا بدلا من أن يكون مخرجا وذلك لأنه يفقد عددا كبيرا من الوافدين إليه وذلك يشكل خسارة ماديه فادحه و كبيرة بالنسبة لأصحاب المحلات الذين ينفقون مبالغ هائلة بشراء وتجهيز المحلات بأحسن الديكورات و ومن ثم ترخيصها ودفع ما يترتب عليها من نظافة ورسوم سنوية و كلاهما مهم لصندوق البلدية , وظهور الاسواق الشعبيه الغير نظاميه على أكتاف هذا الشارع المسكين , علما أن منطقة الكسوة مشهورة من زمن الأتراك ولاحتلال الفرنسي بأنها منطقه تجاريه
ثانيا – وضع شاخصات مرورية حضارية توجه كل غريب داخل إلى مدينتنا العزيزة بحيث تحدد مكان السوق من مكان الكسوة القديمة والكسوة الجديدة وطريق دنون وطريق الجلاد فجميع القادمين لا يعرفون مدخل الكسوه من مخرجها ؟؟؟
ثالثا – الاناره في الشارع العام سيئة جدا ولا تتناسب مع حجم السوق ولولا اضائة المحلات لكان السوق مظلما دامسا, ويجب دراسة مشروع الاناره للسوق على الوتيرة الحديثة فهي على حالها أكثر من عشر سنوات
رابعا - العمل على تهذيب اللوحات المضائه للمحلات والعيادات والمكاتب بشكل حضاري منظم يدل على رقي السوق والقائمين عليه
خامسا – وضع حاويات صغيره على الاعمده
سادسا – التركيز على موضوع النظافة بحيث التشدد على المخالفين الذين لا يتقيدون بمواعيد رمي القمامة ونشر حملات توعيه للأهالي وأصحاب المحلات والمكاتب والعيادات بعدم رمي الأوساخ والقشور والاوراق بشكل عشوائي على الطريق
شاكرين جهودكم .. واننا على ثقه بأنكم خير من يمثل هذه الشريحه من المجتمع ..
ننوه السادة الزوار الى انه يمكنكم التعليق على هذه الرسالة واضافة الاقتراحات والافكار لتطوير الشارع العام ، كما نلفت انتباه السادة الزوار الى انه تم تسليم هذه الدراسة الى رئيس مجلس المدينة مرفق معها ما يقارب 150 توقيع محل ومكتب ومتجر
بانتظار افكاركم واقتراحاتكم
مشرف الزاوية
الاستاذ ابراهيم الخاوندي
2 أبريل, 2008 قي الساعة 3:30 pm
نشكر القائمين على هذه الخطوة ونخص بالشكر الاستاذ ابراهيم الخاوندي لهذا الامر الذي كلف من وقتهم الكثير
كما نناشد مجلس المدينة بعدم اهمال رأي الجمهور والاكثرية في السوق ، حيث كلفنا هذا الامر الكثير من الخسائر المادية وخسائر في السمعة
نرجو الاسراع في الامر
3 أبريل, 2008 قي الساعة 6:09 pm
نشكرالقائمين على نهضة مدينتنا الغالية واحب ان اذكر المجلس على اصحاب البسطات ومن يشغل الرصيف كانه لهم ولكم الشكررررررررررررررررررررررر
5 أبريل, 2008 قي الساعة 12:27 pm
لقد تم توسيع الشارع العام بشكل جيد
كل الشكر لمن ساهم وسعى لانجازه
بقي أن نجعل من الشارع العام لؤلؤة مضيئة في عتمة الليل
وفق الله رئيس البلدية لما فيه خير ورقي البلد
لا تنسوا النظافة
7 أبريل, 2008 قي الساعة 8:22 am
انا مستغرب من مهندسين هل بلديه شلون مساوين هل مخطط الخرائي بفوت الغريب من خلف البلد وفي مدخل طويل عريض
7 أبريل, 2008 قي الساعة 8:27 am
ولله مقاله حلوه كتير وكتر خير يلي عم يهتم شوي بهل بلد بركي بصير الشارع متل المخيم وغيرو وبالنسبه لتغيير المدخل من يوم يومو مدخل يعني من شي خمسين سنه هيك ما بعرف ليش ؟؟؟!!!!!!!!!!!!!
7 أبريل, 2008 قي الساعة 8:31 am
نشكر بلدية الكسوه والقائمين عليها وذلك لترحاب صدرهم لهذه الفكره فهي الفكره المناسبه وانا بالنسبه لي عم اتعزب كتير وقت جيب بضاعه لمحلي لانه السرفيس ينزلني فوق واضر الى حمل البضائع الى محلي وتحياتي الخاصه للمهندس عبد العزيز صديق العمر
7 أبريل, 2008 قي الساعة 10:23 am
أن مشروع عكس حركة الشارع سوف لن يؤثر سلبا علينا نحن سكان المنصورة, لكن لا بأس بتنفيذه إذا كان له أثر إيجابي أكثر على أخواننا في مدينة الكسوة.
الله يقويكن, ومزيد من الاقتراحات والمشاريع التي تخدم أهلهالبلد.
7 أبريل, 2008 قي الساعة 11:38 am
نشكر كل من يعمل لخدمة البلد ونقول لهم وفقكم الله الى كل خير
والى السيد احمد هذا كلامك :انا مستغرب من مهندسين هل بلديه شلون مساوين هل مخطط الخرائي بفوت الغريب من خلف البلد وفي مدخل طويل عريض
ماذا تعني بكلمة الخرائي لم تجد في قاموس اللغة العربية افضل من هذه الكلمة
هداك الله
7 أبريل, 2008 قي الساعة 1:48 pm
في مدينتي
نسعى لنرتقي ….
هدفنا حضاري…..
قيادتنا حكيمة …..
بلدنا معطاء …..
فلنعمل بصمت ….
وسيتحدث التاريخ عنا ذات يوم …….
7 أبريل, 2008 قي الساعة 1:56 pm
نشكر كل من يريد الخير لبلدنا والله يعين السؤولين لأن هذه الأعمال ليست صعبة جداً
8 أبريل, 2008 قي الساعة 9:00 am
فكرة حلوة وبتخدم البلد قولوا ان شاء الله يردوا عليكم
8 أبريل, 2008 قي الساعة 3:39 pm
الله يعطيك العافية ياأبن العم ,,,,,,, كتير كتير طالبنا بتصحيح أوضاع الشارع العام ,,,و لا ندري ماهي أسباب التأخير ,,, على كل حال يعطيك العافية ,,, ولا يضيع حق ورائه مطالب
10 أبريل, 2008 قي الساعة 9:45 am
و الله الموضوع على كيف رئيس المجلس و أعوانه , رغم انه الموضوع صح 100% , بس الله لا يحكم عبد بعبد
وبما انه المجلس (….) بطالب بلجنة أحياء و تفعيلها بسرعة
شكرا
10 أبريل, 2008 قي الساعة 1:57 pm
من المفروض أن نكون أول من يركب الحضارة
ومن الواجب أن نكون أمناء على خيراتنا ومقدراتنا
ومن المحزن اننا نشكر ونمدح ونقبل المسؤولين
وكأنهم يدفعون من جيوبهم
للأسف نحن في الشرق الاوسط نعيش في حالة من اللاوعي
وهذا يجعلنا نقبل بأقل القليل
نحن أمة بائسة حتى قبورنا أصبحت مقرفة و باهضة الثمن
والقبور في الغرب خضراء تشتهي أن تخرج اليها( سيران )
في النهاية :
الاسلام أتى غريب وسيبقى غريب في هذا المجتمع الابله
11 أبريل, 2008 قي الساعة 9:34 am
يالله نفذوا هالشغلة بسرعة وبلا تأخير ولا تتحججوا لانوا الغريب لمن بجي على البلد يجب ان يدخل في شارعها الرئيسي وليس الفرعي اعملوا لان الله مطلع عليكم
11 أبريل, 2008 قي الساعة 10:03 am
والله احترنا كل واحد بدو الامور على كيفوا بعدين السيد ابراهيم صاحب مصلحة بالموضوع يعني الحمد للله انه ليس صاحب قرار كان موتنا من الجوع هو وأصحابو مسؤلين المجلس كل واحد شايف حالو كأنه شي مسؤل كبير ما مصدقين حالهن كونوا مع الناس ولاتكونو ضدهم تصرفاتكن على ارض الواقع تدل انكم تريدون تخريب مدينتنا الحبيبة وخاصة قريبك في المجلس
12 أبريل, 2008 قي الساعة 5:09 pm
ياريت مافي احلى من الحضارة
وهدا الحكي الصح انهاللي بدو يزور لازم يفوت عالكسوة مو يطلع منها يفوت من الشباك ويطلع من الباب وعن جد اصحاب المحلات انظلمت حرام هيك ولازم الغلطة اللي صارت تتصلح
وتصير الفوتة من مدخل البلد والطلعة من فوق وشكرا لكل شخص بتهموا مصلحة بلده وأهله
13 أبريل, 2008 قي الساعة 9:06 am
انا سمعت ابو ياسين خونده ( رئيس البلديه السابق ) يقول عندما كانو يشتكون الاهالي من وضع الطريق التالي ( معكن حق معقول الواحد يفوت على البلد من ط……ها ) يعني معناتو غلط ,والكسوه لازم تكون مدخل , واذا الجماعه يلي بالبلديه ( اعضاء- ومهندسين ؟؟!! ) ما عم يعرفوا يزبطوا الموضوع يجيبوأ عالم مختصه!!! وانا برأيي الشخصي ما بدو لا كيميا ولا هندسه واضح متل عين الشمس !!!!!!!!!من شي خمس وسبعين سنه يعني كنت مراهق بهديك الايام بعرف انو هاد الطريق مدخل منيوم كان ما في غير حمير وبغال وما كان لسا دارج الهكر هدليك الايام ……….!!!
14 أبريل, 2008 قي الساعة 10:00 am
السلام عليكم ورحمة الله و بركاته
حبّيت أشارك معكون لأنّو هالفكرة كتير رائعة
—-
وأهمّ شي اذا تطبّقت فكرة تغيير اتّجاه الشارع
لازم يكون في شرطي مرور ( مو يلّي كان من فترة )
وبعد هالتوسيع الرائع يلي صار بالشارع العام :
أنا بقترح أنّو السيارات تصفّ ع طرف واحد ( يمين أو يسار )
وكمان فكرة … : أنّو يوقّف مرور السيارات بالشارع العام بفترة محدّدة (مثل باب توما )
—-
وكمان موضوع الإنارة:
والله الشارع العام منوّر بوجود أهاليه الأعزّاء .
—-
والنظافة:
بعد توسيع الشارع العام لازم صحاب المحلات من حالهون يهتمّوا بالنظافة - وخصوصي التّراب الأحمر الموجود ع الرصيف -
والله اليوم بالذات شفت منظر كتير -بشع- بأوّل البلد…
عند مدرسة التجارة و الصحّة المدرسيّة… كتير ما في اهتمام بالنظافة بهالأرنة.
وياريت أمام كل محل يكون في حاوية زبالة صغيرة وكل يوم سيارة الزبالة بتفضّيها.
—-
و الأهمّ من هاد الحكي كلّو:
قصّة المشاكل بين الأهالي - وبين طلّاب المدارس……
والسّرقات - (سرقة حقائب النساء في الطريق).
والشّباب يلّي عم تسوق السّيارات (بدون شهادة)..
وتشفيط…وتلطيش بنات المدارس و المعاهد….
—-
أنا بتمنّى تجاوبوني عليها
وبإذن الله الكسوة رح تصير من أجمل المدن .
17 أبريل, 2008 قي الساعة 5:39 am
ياناس كأنه ما كان حدا عايش بالكسوة كان الطريق بداية الامر الدخول من الشارع وكل الكسوة عارضت الامر وتم تغيير الدخول اصحوا ياجماعة وفكروا بالامر بشكل جدي وبعقلانية وبعدين اذا كان هناك 150 توقيع بالمقابل هناك 300 توقيع تريد المر معكوسا والاحد يكون على مكتب المهندس عبد العزيز
17 أبريل, 2008 قي الساعة 9:11 am
لو كلامك صح ياسيد باسم لكنت كتبت اسمك بالكامل وما دخلت لقبك لكن
- الألقاب ليست سوى وسام للحمقى .
يعني فسر شلون الغريب بدو يفوت من آخر البلد
وبعدين مشان ال150 توقيع نحنا مستعدين نسويهن 1000 توقيع ياستاذ
ولاحظ انو لايوجد غيرك مخالف للآراء بس هاد انما يدل على شئ واحد شو هو الله اعلم…..
17 أبريل, 2008 قي الساعة 10:31 am
بتتحلى الكسوه اكتر اذا فيها الشارع نوّر
بتخلي زوارا كتار ومحلاته بتتعمر
يلله نحلي بلدنا وندوّب فيها السكر
خلوها نضيفه يا ناس ياسمين وفل وعنبر
بهمة راعي البلديه عبد العزيز الاصفر
17 أبريل, 2008 قي الساعة 1:32 pm
شكرأ يا سيد جرموش على هذه الكلمات الرائعة
ولكن كان يفضل ان لا تذكر أسماء في قصيدتك العصماء حتى نستطيع تعليقها على مداخل الجوامع
فيستفيد الناس ويعودوا الى رشدهم
ولكن عندما تناولت ذكر أشخاص
في أخر شطر من أخر بيت
نخشى أن يلتبس على الناس فيعتقدو
ا أنك لا تهتم لامر البلد ولكنك تطبل وتزمر للمسؤولين فقط
في النهاية:::::
نحن مع مدخل الكسوة كمدخل وليس مخرج والمخرج يكون من الاعلى ما يسمى طريق المدارس والبريد
ورجاء حاراً خلع الحديد المنصف لان منظره مقرف
وتصغير حجم الدوار عند الكازية لانه اصبح محطم مخرب مكسر
وفي الواقع لا حاجة لدوار هناك
17 أبريل, 2008 قي الساعة 2:08 pm
يا سيد عبد الجبار لست ممن يمسح الجوخ ولكن السيد رئيس البلديه بما قدمه حتى الان من خدمات لمدينتنا الحبيبه يستحق المديح ولعلمك ذلك النوع من المديح بطبيعة الحال يحفز البشر على الاستمرار في العمل والابداع
19 أبريل, 2008 قي الساعة 10:49 am
تحياتي لجميع العاملين على نشر هذا الموق انااا بدي قول لحمد لله يلي فكرتوا شوي بالتطور وبتمنى انو عنجد يكون فعل متل كتير حكي وشكرا
20 أبريل, 2008 قي الساعة 7:03 am
السلام عليكم: وبعد المشكلة أنه اتجاه السير معكوس يعني يلي خلى المدخل هو المخرج هو اتجاه السير وعند عكسه يجب أن يراعا الدخول والخروج عند دوار الثوم والسيرعكس السير يعني مثل لندن ها ها ها
21 أبريل, 2008 قي الساعة 5:50 am
دعا الرئيس بشار الأسد يوم الأحد أعضاء اللجنة المركزية لحزب البعث العربي الاشتراكي إلى ضرورة “معايشة الواقع المعيشي للجماهير وملامسة همومهم وعدم التردد في الإشارة إلى مواقع الخلل والفساد بكل جرأة ومسؤولية”.
ونحن مع السيد الرئيس قلبا وقالبا حيث سوف يتم تطبيق كلامه ونحن مع التطور والتغيير واما من يكون غير ذالك فهو سوف يجمع في بوتقة الفاسدين عما قريب فلقد ولا عهد القرارات الفرديه واصبحت اخبار الفساد تنشر بسرعة البرق ولن نتهاون بكل ما يضر باموالنا وعقاراتنا التي هي ملك لله ثم للجميع ولايام سوف تشهد تطور الكسوه بجماهيرها … يتبع
21 أبريل, 2008 قي الساعة 9:22 pm
انا حابب اطالب السيد باسم بانو يجيب ال 300 توقيع يلي حكا عنهم
اخي من اخرو رئيس البدلية والعواينية يلي حواليه هدلول اعدين للمنظرة وللعشا كل يوم بمطرح
وعملو كم شغلة مثل التبليط للارصفة يلي كل محافظة ريف دمشق مجبورة فيو تبعا لخطة مجلس الوزراء يلي بلش بمحافظة دمشق وحلب
بعدين انتقل لكل المحافظات
بعدين بحب انوه لموضوع مهم وحساس ما حدا عم يحكي عنو
يلي هوي المطبات الجديدة يلي انحطت بالكسوة
ويلي كل يوم بنلاقي طاير منها شقفتين تلاتة
يا جماعة المطب الواحد دفع حقو السيد رئيس البلدية حوالي 500 الف ليرة سورية واذا ما بتصدقو روحو اسالوه يا جماعة
22 أبريل, 2008 قي الساعة 8:00 am
يا استاذ leader انت كتير غلطان سعر المطب الواحد 65 الف ليره خمس وستون الف ليره فقط لا غير وليس 500 الف اي المجموع 400 الف سعر ست مطبات ببلاش
22 أبريل, 2008 قي الساعة 8:08 am
الى السيد ليدر نرجوا عدم الخروج عن فحوى الموضوع حيث ان المقاله تبحث موضوع الشارع الرئيسي ( للتذكير ) ولا مكان لما تذكره انت بموضوع المقال لا من بعيد ولا من قريب وحبذا عدم شخصنة التعليقات وسوف نضطر اسفين الى حذف اي مشاركه خارجه عن الموضوع او لها طابع شخصي
مشرف الزاويه ابراهيم الخاوندي
22 أبريل, 2008 قي الساعة 12:23 pm
(لا أريد لأحد أن يسكت عن الخطأ أو يتستر على العيوب والنقائص)/ القائد الخالد
من خلال هذا القول
نقول:
يحق لأي شخص طرح أي مشكلة …………………..
وكتابة أي تعليق ………………………….
ورفض أي مشروع منجز فيه خلل
من أجل الوصول الى مستوى أفضل ………..
(فالشفافية مطلوبة كي نرتقي) …………..
ملاحظة :
لقد تم خلع المطبات المطاطية ووضع مطبات عادية مكانها
لقد تم هدر مبلغ من المال كبير………………
من المستفيد من هذا الهدر
عجلات السيارات لا تخلع مطب مطاطي ولكن من خلعها لص
سوف يُركبها في مكان أخر و هكذا………..
24 أبريل, 2008 قي الساعة 2:22 pm
الكسوة الغرّاء يا أخوان بلدتنا….. هيا بدأب شباب الخير نبنيها
نسعى بجد لإعلاء الصروح بها….و بعون الله همّتنا ستحييها
هذي المآذن للإصلاح قد صدحت..حباً وصدقاً وإخلاصاً وتوجيها
دعوا الخلافات قد عاقت تقدمنا….واتقوا ناراً أتى الشيطان يلقيها
هذي الربوع بغير الصدق ما صلحت… ولازهت بسواه ديار أهليها
والشارع العام يا أخوان زهرتنا ….فلا تسمحوا ليد التخريب تفنيها
انشودة طربت لها الأيام وانطلقت….بكل فخرٍ حناجرنا تغنّيها
ياكسوة العز يا أرض الجدود ويا….بيادراًماخاب رجاؤنا فيها
ٌالناس فيك كرام طاب أصلهمُ…..عرفوا المروءة في اسمى معانيها
26 أبريل, 2008 قي الساعة 11:45 am
كلام جميلة ايتها المغتربة
وهو جميل لانك مغتربه تتحدثين من برج عاجي
ملاحظة:
البيت الثالث بعيد عن الواقع فمؤذن جامع عثمان نشعر مع صوته بالاحباط فهو لا يصلح للأذن ولكنه مصر كل الاصرار على البقاء وخطباء المساجد
يقولون ما لا يفعالون
والمصلون اغلبهم نأمون أو في وقت الصلاة تجدهم مشغولون ليس بقراءة الفاتحة إنما بحساب الدراهم
معهم حق
فهي المراهم
و البيت الاخير في قصيدتك فيه شئ من الكولكه فالعكس هو الصحيح مع الاسف
26 أبريل, 2008 قي الساعة 1:06 pm
السلام عليكم :
السلام عليكم
نرجو من مشرف الموقع اغلاق هذة الرسالة ……لانها سقطت على اولى درجات المجلس ………..
لانها لاتعبر الا عن المصالح الشخصية فقط ……
وندعوه لفتح رسائل اكثر موضوعية لتعم فوائدها … لتصل الى كل مغترب ………تحية لمغتربة البلد
ملاحظة للسيد مشرف الزاوية كن مع الجميع ولاتتبنى فكرة واحدة وتنشر مايحلووووولك لانها مسؤولية سوف تحاسب عليها..
27 أبريل, 2008 قي الساعة 8:37 pm
بسم الله الرحمن الرحيم ………..
السلام عليكم ورحمة الله وبركاته ؛؛؛؛؛
اود ان ااقدم الشكر الى الأخ العزيز (ابراهيم الخاوندي )
مشروع جميل ان نغير اتجاه الشارع الرئيسي.
والتركيز على النظافة التى تدل على الايمان وامرنا بها الاسلام ونحث على التعاون من اجل الرقي في مدينة الكسوة .
وأتسأل لماذا ذكر أخي العزيز (عبد الجبار دولة )
نحن أمة بائسة حتى قبورنا أصبحت مقرفة و باهضة الثمن
والقبور في الغرب خضراء تشتهي أن تخرج اليها( سيران )
في النهاية :
الاسلام أتى غريب وسيبقى غريب في هذا المجتمع الابله)
أقول دائماًنحن لسنا أمة يائسة او متشأئمون ولكن نحن متفائلون جدا ً هكذا يأمرنا رسولنا ونبينا واسلامنا .
روى الإمام مسلم في صحيحه، عن أبي هريرة رضي الله عنه، عن رسول الله صلى الله عليه وسلم، أنه قال: “إن الإسلام بدأ غريبا وسيعود غريبا كما بدأ، فطوبى للغرباء
والغُربة الأخرى هي غُربة الروح والفكر … غُربة الغاية والوِجهة، غُربة العقيدة والسلوك … وهذه هي الغُربة حقا. فإن صاحبها يعيش وحيدًا وإن كان بين جماهير الناس، مستوحشا وإن ازدحمت من حوله المواكب، إنه يعيش بين الناس ولسان حاله يقول:
أنا في أمة تداركها الله *** غريب كصالح في ثمود.
هذه هي الغربة التي وصف النبي صلى الله عليه وسلم أصحابها في هذا الحديث، وجعل لهم الطُوبى، “فطوبى للغرباء”.
ومن اين جاءت يأخ عبد الجبار كلمة سيبقة وهى غير موجودة.
ونقول لك يابن العم ( هذا المجتمع ليس ابله ولكن طبقوا الشريعة والسنة النبوية وسوف ترى انه اجمل مجتمع .
28 أبريل, 2008 قي الساعة 7:01 pm
السلام عليكم ورحمة الله وبركاته
نحن نطرح موضوعآ لكي نناقشه و نتفاعل معه إما صح او غلط فاذا كان إيجابيا نرشحه ونطالب به ويتوجب تنفيذه فإذا لم نجد قبول من المسؤلين والقائمين عليه دون سبب مقنع نجعله موضوعآ يتلألأ فوق مكاتب المحافظ والوزراء أما اذا كان موضوعآسلبيآفلاحاجة ان نضيع وقتنا بثرثرة تسوقنا إلى ان نشتم بعضنا ونتفنن في نقد بعضنا البعض
اقول اننا اولآ واخرآ يجب ان تحكمنا المصلحة العامة ولا نريد ان
نجعل من تحسين اوضاعنا ضررآ للاخرين
أرى ان من المنطق دخول البيوت من ابوبها والله اعلم
4 مايو, 2008 قي الساعة 1:39 pm
انا برأي أنو تروحوا لعند رئيس البلدية مشان يحل الموضوع …يا اخي كل الناس بدها تغيير مدخل الكسوة ..خلصنا بقى ..
6 مايو, 2008 قي الساعة 8:44 am
لمذا لا تقوم بلدية الكسوة بالتعاون مع مديرية الصحة بإيجاد مايسمى صيادلة منابون واطباء منابون
بفرض انو عنا بالكسوة 30 صيدلية كل واحد بلحقو يوم بالشهر اما الاطباء فيقومون بتعيين طبيب مناوب ليس بالطريقة التقليدية مثلا يبقى في بيته لكنه مستعد خلال هذا اليوم المناوب به للحالات الطارئة
كله لتطوير بلدنا والسلام
7 مايو, 2008 قي الساعة 5:19 pm
جزاك الله خير على اقتراحك يا كسواني بس بيكون احسن لو الطبيب المناوب يكون تواجده بالمستوصف مع مع ممرض مساعد وحارس………
لأننا اضافة الى سلامة المرضى نحب ان نضمن سلا مة اطبائنا ولا ننسى محاولات الخطف والأعتداءات التي كان يتعرض لها زينة شباب البلد من اطباء وفهمانين
فلا ضرر ولا ضرار
11 مايو, 2008 قي الساعة 10:36 am
هل هذا الكلام وصل الى المجلس البلدي وماهوا الجواب اذا وصل نتمنا من القائمين على هذا المشروع اخبار المشاركين ماهيا اهم الاخبار عن هذه المشاريع الهامه والى اين وصلنا
15 يونيو, 2008 قي الساعة 11:01 am
السلام عليكم أولا
ممكن ان تكون البلدية على تقصير
ولاكن الشعوب هي التي تصنع الأمم وليس العكس
أرجو من كبار تجار البلد ان يكون لهم جمعيه للتطوير الطريق العام وغيره
مثال: الحمديه……الحريقة……الحسر الابيض…………الخ
وشكرا
12 أكتوبر, 2008 قي الساعة 1:20 pm
يمكن عمنحكي ونشارك ونضيع وقت وما حدا عميرد علينا ………………………………يمكن الشارع بحياته ما بقا يرجع متل ماكان يظهر في محسوبيات والأشخاسيسين اللي غيرو الاتجاه اوزن من اللي بدن يرجعومتل ماكان
4 ديسمبر, 2008 قي الساعة 9:16 am
السلام عليكم اخواني
موضوع الشارع الرئيسي تكلمنا من اجله كثيرا والمجلس لم يفعل شيء والله حرام لحنا على الشارع العام تضررنا من تغيير اتجاه السير كثيرا صرنا وقت لي بجينا تاجر من دمشق منروح مننتظره على الدوار مشان ندلو على محلنا ووقت لي بدنا نجيبو على المحل منجي من الشارع لي فوق (مدخل البلد الجديد ) منفوت من حارة فرن ابو وحيد منلاقي سيارة الطحين عم تنزل طحين للفرن (بدها ساعه لتخلص) منروح من حارة المؤسسه منلاقي صهريج مي عم يعبي مسكر الحارة وهيك لنوصل لدوار التوم ومنرجع برجوع لنوصل لمحلاتنا لي هيه اصلا في اول البلدهي هيه الحضارة ولا بلا كل الناس بتتقدم وبتطور ولحنا منرجع للخلف ليه للخلف ماكان بالاول احسن بكتير لا حول ولاقوة الا بالله .
شكر للاستاذ ابراهيم الخاوندي