سبتمبر
12
الفرن الآلي الازدحام والشجار الى متى ؟؟!
الكاتب المشرف العام , في قسم خدميات
كلنا نعلم بان الفرن يعتبر احد النقاط الغير حضارية في مجتمعنا العربي ، الشجار اليومي المدافعات …. والكثير من الظواهر التي يعتبرها شبابنا مرفوضة في مجتمعه …لكن الغريب ان عدد من الاجيال قد تعاقب على هذه المدينة وهذا البلد ولاكن لا حلول ولا تغير في اي من هذه المؤشرات … فهل هناك حل ملموس لهذه الظاهرة ام الامر اصبح فرض عين علىكل منا ان يدفع ويشجار ويشتم …. بادر بحل قضاياك اليومية فانت خلقت لكي يكون لك بصمات في هذه المدينة لا ان تعيش لانك تعيش … شارك الان
13 سبتمبر, 2007 قي الساعة 2:33 am
ان الفرن يعتبر احد النقاط الغير حضارية في مجتمعنا السوري فقط وليس العربي عذراً اخي الكريم كاتب المقالة .
14 سبتمبر, 2007 قي الساعة 1:04 am
لافرن مشكلة كبيرة والله كل يوم مشاجرة تقريبا إلى متى نرجوا من بلدية الكسوة الإسراع
24 سبتمبر, 2007 قي الساعة 5:20 pm
<<<<< تم حذف هذه المشاركة لاسباب أدبية مشرف الموقع >>>>
26 سبتمبر, 2007 قي الساعة 9:00 am
اقترح ان يقوم الفرن بإعداد الخبز على شكل ربطات بسعر موحد……….
وتوزيعها على البقاليات والمطاعم و محلات الحلويات وغيرها………
وبذلك ننتهي من موضوع الزحمة والازعاج والسيارات التي تكاد تخنق الشارع والساحة
ويستطيع المواطن شراء الخبز في كل وقت صباحاً ومساءً من اي بقالية وبسعر موحد …
نحن جيران الفرن …..نعاني دائماً من الازعاج ومن الخبز المرمي على الطرقات وهذا حرام وسوف نحاسب يوم القيامة ………
والامر المزعج انني اغسل سيارتي وفي الصباح اجد آثار الخبز عليها لقد نشر المواطنون خبزهم على سيارتي حتى يبرد وما يعجن
نحن في 2007 والفرن يناسب عام 1950 ويكفي مهزلة
ارجو من رئيس البلدية الجديد دراسة مقترحي لما فيه المصلحة العامة …
ومنعاً للضغط والازعاج والخصومات
26 سبتمبر, 2007 قي الساعة 12:57 pm
الى محمد السعودية : الحقيقة انا بشكرك على لباقة بالكلام الحلو و بحسدك على الدرجة العالية من الادب الذي تتحلى به و اقول لك شكرا و الف شكر و ننتظر المزيد من مقالتك الادبي و المواهب الخلاقة و الاخلاق الرفيعة التي تتصف بها
و عتابي على مدير الموقع الذي يسمح بنشر التعليقات لاصاحب النفوس التافهة و المهملة في المجتمع
26 سبتمبر, 2007 قي الساعة 1:02 pm
الحقية ان تعليقك غير لبق و خارج عن نطاق الاحترام و هذا انما يدل عى نقص في شخصيتك و يعبر عن حموضة كبيرة في نفسيتك
انصحك بشرب زيت الخروع كل صباح لعله ينظف شيئ مما في داخلك العفنة
26 سبتمبر, 2007 قي الساعة 3:42 pm
الى السيد محمد من السعودية :
كأنو الموضوع عن الحلول المقترحة لحل المشكلة مو معرض لحتى حضرتك تورجي الناس مستوى ثقافتك واخلائك العالية هون !!!!
بس معليش رح رد عليك
- هاد الفرن ملك خاص يعني مو للدولة يعني من حق صاحب الفرن يعطي اللي بدو ياه ويبدي هاد على هاد , واذا حضرتك متدايئ في مليان فران تانية ممكن الواحد يروح يشتري منها .
- بعدين يا استاذ انت مين ببيعك الخبز ؟؟!! عدنان واب ماجد ولا بتروح بتئطع الكرت من عند أب فهد وبتجيب خبز من عند اب وائل !!!
معناها انت فيك تشتري خبز من غير ما تشوفهون !! مزبوط ولا انا غلطان يا استاذ محمد !!! بئا يا ريت تئيم خلافك الشخصي معهون وعقدتك النفسية منهون على جنب وئت تجي بدك تحكي عن حل للمشكلة لانو مالك تعامل مباشر معهون وئت بدك تشتري خبز !!!
- نئطة كمان: في شي اسمو كرت بتئطع فيو خبز وبتروح بتتسنى دورك بعدين بتاخد خبز وئت يطلع رقمك … يعني صاحب الفرن عمل دورو من ناحية تنظيم الدور وبئي الدور على الزبون ,الزبون هوة اللي عم يعمل العجئة مو صاحب الفرن , ما بئللك مافي زوغلة بالدور بتصير , بس مافيك تلوم اب وائل لانو اجباري رح يمشي واحد أزعر آعد عم يسبو او يكفر مشان يخلص منو , او رح يعطي واحد لانو خجلان منو او لسبب تاني او تالت بس هالنسبة اديش ؟؟؟ يعني كم زبون من حوالي الالف زبون كل يوم. ؟؟؟
- أخيراً: أصحاب الفرن وئت تخلى الزباين بيسكرو وبيفتحو شغلة تانية وما بينهز الهون طرف !!! وخلي الفلافل الك تشتغل فيها وئت يحلئلك الكفيل من السعودية .
ومابئول غير عتبي على موقع الكسوة لنشر هالتعليق اللي كاتبو يا محمد من السعودية لانو ما الو صلة بالموضوع غير اظهار احقاد شخصية !!! , وإلا ليش يا مشرف الموقع لازم تقرأ التعليق أبل ما تنشرو !!؟؟
=========================================
الى السيد عبد الجبار :
ماحدا رضيان و عاجبو الوضع تبع العجئة والخبز اللي عم يتبرد عالسيارات و بالشوراع بس هاد الحئ فيو مو على صاحب الفرن مو هيك ؟؟
لانو مافيو يمنع العالم تبرد الخبز عالسيارات او عالرصيف او يمنع السيارات توئف بالشارع لانو هي شغلة البلدية والشرطة !!
معك حئ انو الفرن بيتناسب لـ 1950 ولازم يكون في ربط بدل بيع الفرط , بس سؤال ؟؟!!
الزبون بيرضى يدفع حئ كيلو الخبز اد ما بيدفع بشمسين او تفاحة ؟؟
بس يرضى ساعتها رح يكون في عندو ربط وصالات بيع وخدمة خمس نجوم وجودة احسن للخبز متل هديك الافران !!!
يعني بالمختصر تحسين الخدمات عليه تكاليف , الزبون بدو خدمة أفضل بيدفع أكتر لانو هي الخدمة او السلعة الافضل من اللي ابلها الها تكاليف !!.
26 سبتمبر, 2007 قي الساعة 5:52 pm
رد على عبد الهادي ومحمد ليش كلمة الحق بتزعل و على طول مرة وتصديقاً لكلام الأخ محمد من السعودية أنصحك بإجراء استفتاء للناس القادمة لشراء الخبز و يكون السؤال ما رأيكم بأصحاب الفرن و كن حيادي اذا كان يهمك النتيجة حتى ولو كنت ذا قربى من الجماعة و أنصحك بأخذ دروس باللغة العربية أسلوبك بالتعبير هزيل و اقبل النقد البناء اذا كنت تتمتع بالثقافة و الموضوعية و لا تزعل كل الناس بتقول عدنان و صبحي وجههما مثل الرغيف المحروق مع اعتذاري عن التعبير .
27 سبتمبر, 2007 قي الساعة 5:16 am
انا بنصح المحايد يضل على جنب و لا يفرجينا ان هو من اصحاب الكلام الرفيع و التعابير القوية و ان هو زلمة مثقف
و عم تحكي عن كلمة حق انو كلمة هي اذا عدنان و صبحي ما هنة يلي عم يبيعوك الخبز ليش التفاهة العالية تبعك بالكلام الصراحة من الرد تبعك مبين عنك انك مثقف من الدرجة العالية (يا خوفي تكون مبطل من المدرسة من صف السادس)
و ان كنت بتمنا ان كل واحد بينشر تعليق يذكر اسمو
27 سبتمبر, 2007 قي الساعة 5:22 am
الحقيقة ان التعليقات ناتجة عن احقاد شخصية المشكلة ان في ازدحام كيف بدنا نحلها بس ملاحظ ان محمد و المحايد ما ناقشو المشكلة يعني عم يدعو الثقافة و الادب الرفيع و المحايد على الاساس ان من اصحاب العقول النيرة و النقد البناء و هو نفسو ما عم يعالج المشكلة بل عم يعبر عن سخافتو بالردود و عم يدعي الفهم الزايد
بس الصراحة نحنا شفنا المستوى الرفيع من الثقافة من الرد تبعك يا محايد و هل المرة انا بنصحك بأنك تشرب زيت الخروع و تغط راسك فيو
27 سبتمبر, 2007 قي الساعة 5:25 am
الى جارنا العزيز و الله اذا بتضمن ان نبيع كيلو الخبز ب 30 ليرة و بتضمن تصريف 6 طن من الخبز و ما يزيد شي فأنا رح اوعدك ان يصير البيع بصلات 5 نجوم و مع مسح سيارة الزبون كل يوم و بوسة من الراس
27 سبتمبر, 2007 قي الساعة 5:26 am
إلى السيد محمد من السعودية المحترم جدااااااااا…………….
يا ريت يبقى موقع الكسوة مكان لمناقشة حلول للمشاكل العامة التي تهم أهالي الكسوة بشكل عام !!!!
أما بالنسبة للمشاكل الشخصية والخاصة ما رح نقول غير يلي إلو عنا حق ياريت يجي يناقشنا قدام كل الناس واذا كان إلو حق يجي ياخدو….
بالنهاية بحب قلك ((( واذا أتتك مذمتي من ناقص فهي الشهادة لي بأني كامل )))
27 سبتمبر, 2007 قي الساعة 5:45 am
الى الاستاذ محمد بيك وكل مين بنتقد مشكلة ازدحام الفرن أولا ازدحام الفرن ناتج عن اخطاء اهل البلد امثال محمد وغيرو صاحب الفرن او المسؤول ماشغلتو ينظم الزباين برة الفرن بعدين اذا اهل بلدك مابدهن يصيرو عالم وبشر صاحب الفرن هو بس يسويهم
وهون نقطة معقول بس انت يا محمد بدك تصير عالم وناس؟؟؟؟؟؟؟؟؟؟؟؟
27 سبتمبر, 2007 قي الساعة 7:33 am
السلام عليكم ورحمة الله وبركاته الى الاخوة الاكارم :.
شكرا على هذه الجهود الجبارة في الكتابة وتقديم المشاركات … ولكن !! .
1- نرجو عدم ارسال مشاركات لها طابع شخصي او غير ذلك لاننا سوف نحذفها .
2- كما نرجو عدم الخروج عن فحوى الموضوع والهدف منه : فنحن فعّلنا الفكرة ليس لشرح المشكلة وليس لابراز الخلاف وليس للفت انتباه حضراتكم على هذه الظاهرة التي تعيشوها كل يوم …!!!
ولكن نحن نطلب ان يكون هناك حلول فكل من يدخل النت من الشباب العربي وبالذات الكسواني هم من الطبقة المثقفة فمما لا شك فيه الحوار سيكون راقي … ومما لا شك فيه سنتحدث عن ((( حل ))) لهذه المشكلة وليس ان نتحدث عن ((( المشكلة ))) بل عن حلها عن افكار عن اقتراحات وما الى ذلك….
الف شكر لكم نتمنى الجدية والحوار الراقي الذي اعتدنا ان نعتمده في حوارنا اليومي ..
ولكم الشكر
27 سبتمبر, 2007 قي الساعة 10:01 am
ايها السادة لا نريد الحديث عن مشاكل شخصية ولكن نريد حل ….وحل فاعل واعتقد ان اقتراحي هو الصواب حتى لو كان على حساب رفع سعر الربطة فقط 5ليرات لان مستوى الخبز المطروح للبيع وسط …….
ولا تنسوا موضوع رمي الخبز على الطرقات
وموضوع السيارات التي تزعج كل صباح
وهذا المقترح لجميع افران المدينة وليس لفرن بعينه
الفرن ظاهرة غير حضارية ويكفي مهزلة
27 سبتمبر, 2007 قي الساعة 10:12 am
ايها السادة عندما يقرأ الواحد منا تقرير الخبز و يضع اللوم على ارتفاع الخبز و اللوم على المواطن او الدولة لماذا لا نقيس مفارقة بين فرن الصياد الآلي و بقية الأفران في الكسوة بل على مستوى المنطقة ؟؟؟ و لماذا لا يشكي فرن الصياد و عليا ما يشكوه بقية الأفران ؟؟؟؟؟؟
أعزائي الجواب الشافي لأن بقية الأفران منذ البداية يريدون أن يأكلوا من الفرن دون أن يطعموه يعني لماذا لا يطوروا أفرانهم اسوة بفرن الصياد و عليا . و غيرها من امور داخل الفرن كالنظافة و سرقة للطحين وبيعها بسوق السودة
خلاصة الكلام أن فرن الصياد و عليا أناس يحترمون أنفسهم زد على ذلك يخافون الله و يحترمن المهنة . فلو كانت بقية الأفران تسير نهجهم في التطوير و التحديث و صحوة الضمير لاختلف الأمر و انقلب رأساً على عقب و أصبح عندنا أفران عديدة مثل الصياد و عليا
27 سبتمبر, 2007 قي الساعة 1:28 pm
الاخ عبد الجبار الحقيقة ان الحل الذي تقترحه هو عين الصواب و كانت هذه احدى الحلول و لكن عندما اردنا ان نفتح الفرن الساعة الثالة بدل الساعة الرابعة اخذنا موافقة خطية بعد عناء كبير اما عن رفع سعر الخبز فهذا من سابع المستحيلات من قبل الدولة
و عندما اردنا تربيط المخصصات كاملة لم يسمح لنا من قبل التموين لانه لا يحق لنا تربيط الربط و العالم واقفة برى و هناك امر اذا ارت ان تأخذ ب 500 ليرة خبز فعليك ان تأتي برخصة من التموين حتى يحق لك اخز الخبز
نحن مقيدون كثيرا و المشكلة انت التموين عندها علم بالازدحام و شافت هل الشي و في شكاوي كتير بس للاسف عملو على خصم المزيد من المخصصات على شهر رمضان بحجة ان الاستهلاك يصبح اقل
اما عن الضوضاء و تبريد الخبز هذه المشكلة نحن نعانيها لكن ليس من حقنا ان نمنع احد من الوقوف او التبريد لان الشارع مو ملكنا هذه من مهام البلدية و ليست من مهمتنا
و هناك امر انه لا يحق لنا توزيع الخبز لاحد المحلات او مراكز توزيع و اذا اردا احد المراكز ان يوزع فعليه ان يأتينا برخصة من التموين و لا يحق لنا ان نعطيه إلا اذا لم يكن احد واقف على الدور
بالنسبة الى التربيط قد يكون الحل المناسب لكن نحن مقيدون كثيرا بهذا الحل من قبل التموين
27 سبتمبر, 2007 قي الساعة 2:52 pm
الى الاخوة الافاضل
النظام هو اساس الرقي والتقدم في كل انحاء الدنيا. ان ما نشهده على افراننا وخصوصا الفرن الالي لمهزلة كبيرة وطال امدها …!!! هذه الظاهرة.. امن المعقول انه لا حل لها ؟؟؟
الحل :.
1- اما توزيع الكروت كل كرت حسب المبلغ المطلوب شراء الخبز به وجعل لكل مبلغ ساعة معينة يوزع بها الخبز (مثلا ) العشرة ليرات توزع من الساعة 6 صباحة للسابعة والخمس وعشرون من السابعة للتاسعة … وهذا
2-الكروت اصحاب المبالغ الكبرى 25 50 100 يكتب اسم صاحبها عليها ويسجل لدى كاتب الفرن باستمارة ما .. ويوزع الخبز حسب الاستمارة ملاحظة هذا الامر مطبق في داريا و دير عطية..
3- هناك تجربة في محافظة حمص وهي ان يتم تسليم كل طاقة الانتاج للافران كاملة لمتعهد يشتريها ويوزعها في مراكز موزعة في المدينة بنفس السعر وهذه تجربة رائدة في حمص ولا ارى بانه مشكلة من الناحية الرسمية مادامت طبقت في محافظات اخرى…
27 سبتمبر, 2007 قي الساعة 5:07 pm
بسم الله الرحمن الرحيم ……… اما بعد بالنسبة لمشكلة الفرن والاراء التي طرحت بهذا الصدد .ان المشكلة تكمن بالمستهلك ولا علاقة لاصحاب الفرن بها . فلو ان كل شخص التزم بدوره او رقمه لما حدثت هذه الفوضى . اما بالنسبة لنشر الخبز على السيارات اقترح ان يتم اتفاق بين اصحاب الفرن والبلدية لاختيار احد الارصفة الموجودة ووضع رفوف لنشر الخبز عليها
وجميع المشاكل تعود لذوق واخلاق المواطن …………………….. وشكرا
27 سبتمبر, 2007 قي الساعة 8:12 pm
شو القصة بدكون تفضحونا بين العالم…..
بكرا بقولو اهل الكسوة مو شبعاني الخبز….
بعدين محمد من السعودية بيظهر اهلك عم يبعتولك الخبز لعندك ومتدايق….
يعني مبينه انو انت بتكره تبعات فرن الصياد وجاي لهون تلت وتعجن ….
او انو يلي مستعبدينك بالسعودية عم يطعموك خبز يابس….
استحي عيب هاد الموقع مو مشان تلحش وتنتش….
الله محيي بيت الصياد وبيت عليا الي صابرين على الخسارات مشان ما يحرمو اهل هالبلد من الخبز الي فعلا بيتاكل…
مو متل تبع تفاحة وشمسين .
وشكرا لمشرف الموقع على الشفافية الزايدة وبننصح انو هيك حوارات ما تكون موجودة لانو فيها تجريح لشخصيات باسماءها….
27 سبتمبر, 2007 قي الساعة 8:42 pm
بالنسبة الى اقتراح الاستاذ بشار غير مجدي إلا اذا كان في اربع دوريات شرطة و اقفة من اول ما يفتح الفرن لحتى يسكر
لان عندما نقول الى الزبون ان الفرن قد انتهى من انتاج الخبز يقوم بسبنا و بالصراخ فكيف عندما نرغم الزبائن بالاوقات المحددة و هذا بالنسبة الى مديرة التموين مخالف و لا يحق لنا بعدين اذا العالم على الدور ما عم توقف فكيف رح ترد على هيك قرارات من دون ما تعمل مشاكل و خناق
و ايضا انتاج الخبز كل يوم حوالي 7 طن من الخبز و الكمية كبيرة جدا و ليس بأستطاعتنا السيطرة على الانتاج عند توزيع على الساعات
اما تسليم لمتعهد فهذا مستحيل إلا في حالة تربيط الانتاج بالكامل و ايضا لا يحق لنا و قد ذكر في التعليق السابق
و هناك امر اخر من اسباب الازدحام هو ان نصف العالم من برات الكسوة و النصف الاخر من الكسوة
من اجل مصاريف تنظيمية نضع كل شهر حوالي 15000 و الازمة لم تحل فالزبون بيتخانق مع شي زبون اخر و بسبنا و بيشتكي علينا
سيتم نشر اسباب الازدحام خلال يوم ان شاء الله
28 سبتمبر, 2007 قي الساعة 9:55 am
السلام عليكم ورحمة الله وبركاته………
برأيي مشكلة الازدحام لن تحل إلا اذا أصبح مستوى الخبز في جميع الأفران بنفس الجودة الذي ينتجها الفرن الآلي !!!!!!!!
وا]
28 سبتمبر, 2007 قي الساعة 9:58 am
بعدين كمان اذا بتلاحظو معي إنو الازدحام عم يصير مو من أهل البلد!!!!!!!!!
يعني أغلب الأحيان ما بتشوف حدى من أهل البلد عالفرن مع إنو بكون مزدحم
يعني أغلب أهالي الضيع المجاورة عم تجي تاخد خبز من الكسوة وهاد يلي عم يسبب كل هالمشاكل
وشكرا…………….
29 سبتمبر, 2007 قي الساعة 4:34 am
أشكر الجميع على تعليقاتهم
29 سبتمبر, 2007 قي الساعة 8:03 am
إذاً يجب ان نحيل أوراق ( مشاكل الفرن الى مجلس البلدية الموقر حتى يضع الحل المناسب قبل ان تتفاقم ظاهرة الفوضى …………. )
29 سبتمبر, 2007 قي الساعة 9:09 am
الرجاء بعد حذف تعليق محمد السعودية يجب حذف الردود عليه فهي إيضاً غير لائقة
ونرجو أن يكون النقاش بإسلوب حضاري أكثر وعدم استخدام الجمل العامية في الرد ….
29 سبتمبر, 2007 قي الساعة 10:31 pm
المشكلة من الناس نفسهون يعني فوضة كبيرة و من اسباب الازدحام هو محلات الخضرة يلي بجانب الفرن كل محل حاطت خضرة ادام محلو شي 3 امتار مما يسبب ضيق الطريق اما عن احالة المشكلة الى المجلس فهاد من افشل الخيارات مو لشي بس لان المجلس شغلتو فاضية يعني مارح يطلع من امرو شي لان عم يقولو بأدارة الفرن ان التموين بيعرفو بهل الشي و اذا بتلاحظو ان نكتب هل الشي بالجرايد يعني كلو عندو بس خلص الله يكون بعون الفرن و جيران الفرن و الله يصبركون
اما عن المجلس فمارح يطلع بأيدو شي لك حتى شعبة الحزب ما طلع بأيدها يعني بالمختصر المفيد خربانة بيعرفو ان في عالم عم تقتل بعضها مشان الخبز و لساتهون عم ينادو بالتطور و المعلوماتية طيب يا اخي عطو الافران طحين خليها تشبع العالم و حاج مسخرة
يعني الافران متلها متل اي مشكلة بهل البلد منعرف ان غلط بس اخي خلص ما عم تأثر على الكراسي بس توصل الشغلة على الكراسي ساعتها بتنحل
و يلي حارق قلبي هو هل المناظر يلي عم تصير كل يوم الى متى الى متى من الناس نفسهون لان العالم ما بدها تتنظم كل بدو يهاجم كمان معهون حق اذا طحين مافي
يعني الحل الوحيد هو زيادة ساعات العمل و بالتالي يوئدي الى زيادة المخصصات و عم يقلو ان شغلة ما بأيدهون و هاد الكلام صح
يعني اذا مجلس البلدية الموقر بدو يعمل شغلة فل يطلب زيادة المخصصات و ترك الفرن على راحتو مع بقاء سعر الكيلو ثابت للفرن الالي و بالتالي زيادة الانتاج و هيك لا بصير خناق و لا ازدحام و ادارة الفرن عم تحاول ان يصير هيك على ما اعتقد بس كمان هنة لحالهون ما بيقدرو يعملو شي
هلاء بدي اسئل المشرف على الموقع هل البلدية رح تاخد الموضوع على محمل الجد لما بس روتين الموقع يعني بكرة الموضوع بصير قديم و يتم حزفو و المشكلة بضل متل ما هية (مع العلم هو هاد يلي رح يصير )لان البلد كلها هيك فوقفت على الانتخابات اذا اهل بلد و رح يتقاتلو بالانتخابات البلدية و الانتخابات بتشبه كل شي إلا الديمقراطية لان كلها غش و تزوير و كذب
الرجاء من مشرف الموقع الرد
اما عن التعليقات انا مع عبد الجبار ان يتم حزفها لان ما حلوة اذا بهمك الامر يا مشرف الموقع حزفها خلص مشكلة وراحت
30 سبتمبر, 2007 قي الساعة 6:52 am
انا متأكد انه لو اعطوه زياد ساعات العمل واعطوه طحين زياده لح تروح الصبح على الفرن وتلاقي الناس متجمعين فوق بعضهم البعض على شباك لا يتجاوز طوله وعرضه (عش العقربه ) واقترح مايلي :
1- ازاله الشبابيك الثلاثه وهيك مااااااااا ووضع الفرن على الملء بيبقى شي يتخانقو اعليه او يختلفو ا لانو اذا بتلاحظوا احبائي العالم عم يتدافشوا مين بدو يحط راسو ا بالشباك مو مين بدو ياخد الخبزات وأسألوا ابو وائل سيدي؟؟؟؟؟؟؟؟
2- وضع عارضه واضحه تحدد الرجال من النساء
وانا براهن انو بتنتهي المشكله احبائي واهلي الكساونه
30 سبتمبر, 2007 قي الساعة 7:33 am
باسم شباب و رجال الكسوة نقترح ما يلي :
* ياعتبار أن جميع الأفران في الكسوة عدا فرن الصياد يمتازون يسو ء التصنيع و قلة النظافة و كثرة الصراصير التي تصف مثل طابور العسكر
نطالب بإلغاء مخصصات جميع الأفران و سحب الرخص منهم و تحويل المخصصات الى فرن الصياد الذي يمتاز على مستوى القطر بجودته و نظافته, و عمل فرن الصياد في عدة وارديات خلال 24 ساعة الى أن يحدث فرن آخر ينافسه بالجودة و النظافة
30 سبتمبر, 2007 قي الساعة 9:23 am
الرجاء من مشرف الموقع ارسال (نسخة من الاقتراحات والتعليقات )
الى مجلس البلدية
فمن الضروري ان نسمع رأى رئيس البلدية
وإذا كان رئيس البلدية بدون رأي فيفضل رفع الأوراق الخاصة بمشلكة الفرن الى المفتى حتى يصدر حكمه ……..؟ !
أو يفضل حذف الموضوع من اساسه لان الكلام بدون عمل لا يفيد ……..
30 سبتمبر, 2007 قي الساعة 10:24 am
و انا مع الاخ عبد الجبار
و مع العلم ان لو تم رفعو فما رح يصير شي
لان ما طالع بأيدهون شي او بالاحرى ما في منو منفعة
30 سبتمبر, 2007 قي الساعة 10:26 am
في شغلة بضيفها مع اقتراح عبد الجبار
ان محلات الخضرة بالحارة لا تطاق من كتر الوساخة و الريحة الكريهة و كمان كل محل اخد اكثر من 3 امتار اما محل الذي يملكه مما يعيق السير
و الحارة عم ضل وسخة لان ما عم يكنسو الحارة
2 أكتوبر, 2007 قي الساعة 6:34 pm
السلام عليكم
في كل بلدة كبيرة أو مدينة مثل الكسوة نجد أكثر من فرن لخدمة البلد
والمشكلة هنا واضحة جداً وتكمن في سو ء إنتاج الأفران الأخرى
اقتراحي هو توجيه الأنظار لحل مشكلة هذه الأفران
ويكون ذلك بتدخل أيدي جديدة فيه
وهناك عدد كبير من أصحاب رؤوس الأموال عندهم الاستعداد لاستلام هذه الأفران
وأقترح
تدخل البلدية بالإتفاق مع أصحاب الأفران من خلال
عرض إعلانات للمناقصة على استإجارها لفترة طويلة من الزمن
وأخذ هذا الموضوع بجدية ولربما يأتي شخص عنده القدرة
على استلام أي فرن من الافران الأخرى
وأسأل الله أن ينور قلوب الجميع لا أن يتحول هذا الموقع الرائع إلى موقع سلبي
تعرض فيه العيوب والشتائم
فنحن في الغربة روحنا وقلبنا معلقة ببلدنا الطيب ولا نريد أن نحزن لمثل هذه
المشاكسات الكتابية التي تحصل بين البعض
ووالله أي واحد في الغربة يصادف أحد أبناء البلد كان من كان يتمنى أن لا يتركه أبدا
فلا تجعلوا الموقع يكرهنا بعضنا البعض سامحكم الله سلام
3 أكتوبر, 2007 قي الساعة 5:24 am
أضم صوتي الى هورايزونز في اقتراحه فهذا هو الحل الجذري
3 أكتوبر, 2007 قي الساعة 9:14 am
ظاهرة الفرن وبيع الخضار على الطرقات وحجز الارصيفة لوضع البضائع والخضار في جميع شوارع الكسوة
ظاهرة الشماسي الحديدية عند كل محل التي بدورها تضم الرصيف ( رصيف المشاة للمحلات )
ظاهرة الحاجز الحديد (الفاصل الذي وضع لمنع دخول السيارات ) في أول البلد
ظاهرة الإسفلت المحفر والمطباط الشاهقة الارتفاع
ظاهرة الزبلة المرمية على الطرقات ومنظرالحاويات التي تقرف من منظرها حتى القطط
ظاهرة الظلمة وانقطاع الكهرباء المفاجئ
كلها تبشر بمستقبل مشرق وحضاري
3 أكتوبر, 2007 قي الساعة 3:53 pm
عوجا ولرح تضل عوجا
3 أكتوبر, 2007 قي الساعة 6:54 pm
أقترح فتح فرع جديد ” لأفران عليا والصياد “جانب دولة سنتر………
5 أكتوبر, 2007 قي الساعة 11:41 am
الملاحظ اننا نتكلم بشيئ و نقول ما يواجهنا و لكن نستغرب ان الاقتراح يعود من جديد
يا اخي قلنا ان نحنا مقيدون و مافي النا حرية بالادارة من قبل التموين كل شيئ بيدهم من المخصصا الى البدء و الانتهاء الانتاج و غيرها من الامور
اما بالنسبة الى اقتراح محمد السكري يا اخي نحنا عنا استعداد لتمويل 5 افران و المشكلة مو بالمخبز يعني كل يوم الانتاج بوصل ل 7 طن من الخبز على 10 ساعة عمل
المخبز مجهز لينتجهون ب 7 ساعات لكن المشكلة بالمخصصات لنفرض ان فرن اخر قد تم اقتتاحه بالكسوة فسوف يتم خصم من مخصصات المخبز ليضيفوها الى المخبز الجديد أي الكسوة لها مخصصات محددة من الطحين و سيتم توزيعها على الافران سواء كان واحد او عشرة
الحل زيادة ساعات انتاج العمل و بالتالي زيادة المخصصات من التموين
لكن لا اعلم ما علاقة رؤوس الاموال بالمخبز يعني لو في طحين منشتغل 24 ساعة بس يا اخي كل تعليق عم نكرر ان نحنا مقيدون الافران مقيدة كثيرا
اذا بدنا نبكر ساعة بالعمل فيعني بدك 100 توقيع و اذا بدك تسكر يوم لازم يكون في موافقة يعني كل هل الامور بتمنا من يلي عم يعلقو على الموضوع ان يقرأو منيح يا اخي
7 أكتوبر, 2007 قي الساعة 3:18 pm
السلام عليكم
إذا كانت تستطيع البلدية ان تساعد بموضوع رفع مخصصات البلد
فالمشكلة محلولة
8 أكتوبر, 2007 قي الساعة 8:25 pm
البلدية مو قادرة تحل مشكلة المياه وهي شغلتها , كيف بدها تئدر تحل مشكلة الخبز !!! , شعبة الحزب ما طلع بئيدهون شي !!!
على كل حال نشالله !!!
9 أكتوبر, 2007 قي الساعة 8:46 am
بالنسبة الى زيادة المخصصات نحنا عم نسعى من زمان بس مافي امل بالعكس تم خصم من المخصصات 500 كيلو بسبب ان الاستهلاك برمضان يقل و هذا الامر ليس بيدنا
و الله انتو لو بتعرفو حقيقة الادارة و القيود يلي بحطوها لتعزرونا شو ما صار
اما مشان البلدية نحنا منتمنى هل الشي اذا هنة بدهون الامر ينحل يعني اذا ما صار طلب من بلدية و حل جدي للمشكلة مارح تنحل
و نحنا لحالنا ما منحسن نساوي شي
9 أكتوبر, 2007 قي الساعة 11:55 am
نحن نتحدث عن :
الازعاج الحاصل بسبب زحمة السيارات والبسطات في الشارع
الازعاج الحاصل بسبب الصراخ والشجار والمشاكل اليومية على الفرن
الازعاج الحاصل بسبب رمي الخبز على الطرقات ونشر وتبريد الخبز على السيارات
نتحدث عن حل (توزيع الربطات المتوفرة على المحال التجارية للبيع وتخفيف الزحمة والمشاكل )
نحن معهم في زيادة سعر الربطة بالمعقول ………
وهم يتحدثون عن المخصصصصصصصصصصصصصصات
( رغم اننا نحمل الكثير من الشهادات والخبرات إلا أننا ينقصنا الذوق واللباقة )
9 أكتوبر, 2007 قي الساعة 2:44 pm
طيب … منتحدث عن سعر الربطة او عن الخبز شوي ومنترك المحخصصات,
عزيزي : أكيد الكل يعلم ان هناك سلع محمية السعر من الدولة , اي تقوم الدولة بتحديد سعرها وبيعها بسعر مخفض يتناسب مع دخل المواطن !!!
ومن هالسلع الخبز متل ما بتعرفو !!!
يعني تغيير سعر كيلو الخبز سواء بربطة او بلا ربطة , ليس بيد البلدية , ليس بيد شعبة الحزب او غيرهما , بل هو مسؤولية الفريق الاقتصادي الذي يقوم بدراسة رفع الدعم عن السلع المحمية حالياً , قد يبدو كلامي مبالغ فيه , لكن لمن لا يصدق ما أقول يمكنه مراجعة التقارير والمقالات الصحفية التي تتحدث عن موضوع رفع الدعم لتجد انه من السلع الموجودة ضمن السلع المحمية هي الخبز .
اذا فالحديث عن تغيير في السعر هو في الغالب مضيعة للوقت !!!
طيب , لماذا نتحدث عن المخصصات ؟؟!!
لانه بزيادة المخصصات يصبح بشكل طبيعي ساعات اكبر للانتاج , كمية اكبر من الخبز متاحة للزبائن , وهذا يفيد في موضوع الازدحام لانه احد اهم اسباب الازدحام و “المطاحشة” هو الخوف ان لا يستطيع تحصيل الخبز مع نهاية فترة الانتاج , ايضاً زيادة المخصصات يعني زيادة ربح أيضاً بالتالي امكانية تغطية نفقات عملية التربيط للانتاج بطريقة ما , وهذا سيخفف من الازدحام بشكل كبير !!
نعم نحن نتحدث عن المخصصات لاننا ادرا انه الحديث عن السعر لاجدوى منه على الاغلب !! , لان زيادة المخصصات ستوفر العديد من الحلول للمشكلات .
أخيراً : اتمنى لو يكون هناك مساحة في الموقع للنقاش في نقاط غير مشاكل البلد , اي مساحة نقاش عام تطرح فيها مواضيع ذات صلة كـ ( الشاهدات والخبرات وعلاقتها بالذوق واللباقة !! ) مثلاً !!
9 أكتوبر, 2007 قي الساعة 2:47 pm
و لكن بزيادة المخصصات تحل جميع الامور إلا البسطات و نشر الخبز على السيارات و الطرقات فهذا ليس من صلاحياتنا
اما عن توزيع الربطات على محلات فنحن سنكون لك من الشاكرين اذا طالعتنا رخصة توزيع الربط على المحلات لتخفيف الازدحام السيارات و نشر الخبز على الطرقات
اما عن الصراخ و الشجار ايضا نحن لسنا المسؤولين عن هذه الظاهرة فليسى من المعقول ان نعين كم شليتي بالحارة مشان ضبط الامن و العياط لان هذا ليس من صلاحياتنا و لكن هذا من امر البلدية و الشرطة
و هما على علم بما يحدث , فرفعو اصواتكم على اصحاب المناصب هذه البلد فانتم من انتخبهم و انتم من قاتلتم من اجلهم و مسحنا لهم الطرق و السيارات
اما الذوق فهذا ايضا لا يباع في كل المحلات و لكن سعره مرتفع بعض الشيئ
اما عن الشهادات و الخبرات فلا اعتقد ان لها علاقة الذوق و اللباقة
و كثيراً ممن حاصلين على الشهادات و الخبرات يشترون الخبز من الطرقات
حاولنا من خلال حوارنا هذا عرض المشكلات و لكن هوجمنا بالمسبات و الاتهامات
فنحن نعلن انسحبنا من هذه الحوارات
لانه لم يطرح اي حل له علاقة بالمشكلات و قلنا اننا مقيدون و شرحنا طبيعة المعوقات و اكتشفنا اخيرا ان السبب
هو اهل البلد فبالذوق و الادب و النظام تحل جميع المشكلات و هذه الادوات ليست متوفرة في المحلات
و من المشاكل المسبب
البسطات – نشر الخبز على الطرقات و السيارات – المشاكل و المشاجرات – و ازدحام السيارات
اما عن العناصر المفقودة لحل هذه المشكلات هية
الذوق – و الادب – و النظام – و طولة البال – و التواضع – و البلدية – و الشرطة
اما عن المخبز فليس مسؤول عن هذه المشكلات
عندما يطرح الموضوع بشكل جدي على البلديات و ندعى بشكل رسمي لحضور الاجتماعات فنحن على استعداد لتقديم بعض الحلول لهذه المشكلات و البقية على اهل الشهادات و الخبرات
و انصح مشرف الموقع بأيقاف هذه النقاشات لانها لن تقدم و لن تأخر لحل المشكلات انما هية عبارة عن روتين الموقع و زيادة الخلافات و تعقيد المشكلات
و في الختام سلامات
المتحث بأسم مخبز عليا و صياد
9 أكتوبر, 2007 قي الساعة 2:55 pm
بالنسبة الى مشكلة ازدحام الافران هذه ظاهرة في كل سورية و ليس في الكسوة و حدها فلا اعتقد ان الكسوة سوف تحل مشكلة المخابز في سورية كلها
الجميع يعلم بما يحدث و قد نشرت الشكاوي في الصحف و المجلات و عرضت على الوزارات و لكن كان الرد بزيادة تعقيد المشكلات بالردود اللعينة مثل سيحل الامر و قريبا و ما الى هناك من الخيارات المماطلة
و اذا ارتم ابحثو في ارشيف الصحف و المجلات على الانترنت و ستجدون الكثير من الشكاوي
11 أكتوبر, 2007 قي الساعة 10:00 am
إلى الادارة والعاملين في مخبز الكسوة
أنتم تستحقون الشكر والتقدير بكل ما تحمل الكلمة من معنى
لأن الموضوع يجب أن يغلق فعلاً وهذا أفضل من الجدل والكلام الغير مفيد
الله يعطيكن ألف ألف عافية وما قصرتو ابداً ولا بتقصرو
وكل عام وانتو وجميع أهل الكسوة بخير
20 أكتوبر, 2007 قي الساعة 4:04 pm
السلام عليكم ورحمة الله وبركاته
بشكر الجميع على اهتمامهم بهالمشكلة اللي هي فعلا من المشكلات العويصة في البلد وبشكر مشرف الموقع على اهتمامه
واقول بصراحة انوا في ناس عم تحكي بمشكلة الفرن ووراء كلامهم في مشاكل شخصية مع اصحاب الفرن كل الناس بتعرفها وبدون مانوضح اكتر
بس بحب اقول انوا اصحاب الفرن الله يكون بعونهم من مصلحتهم انوا تنحل هالمشكلة يعني مو معقولة انوا عاجبهم هالصياح طول النهار وصار بدهم كاتم صوت للاذان
وبرأي حل المشكلة كما ذكر بعض الشباب الله يجزيهم الخير تحسين الخبز في باقي الافران وهذا شيء اساسي وتانيا يجب قطع الكروت ويكون فيها ارقام وثالثا للناس الدور الاساسي في حل المشكلة ويجب ان يتحلوا بالصبر والله يجزيكم الخير وسامحونا
وبدي اقولكم شغلة قبل ماامشي هي لازم تكون بزاوية مشكلة المياه بس رح احكيها هون اني نزلت اجازة بالصيف شهر عالكسوة يعلم الله ولا يوم مرت مياه البلدية بمواسير حارتنا كل يوم واحنا شاريين صهريج ماء وبعتقد هي المشكلة يجب ان يكون لها الحظ الاوفر من الحلول والله يجزيكم الخير مغترب غيور على بلده
25 أكتوبر, 2007 قي الساعة 2:34 pm
هيك إنتوا يا أهل البلد روح قلبكم تفرجوا الناس عليكم من حسدكم و ضيقة عينكن وما بتبين قوتنا إلا على بعضنا يعني مستحيل مرة نحب بعضنا لك إذا واحد حط بلوكة جارو بالبيت دغري بيشتكي عليه ……مع العلم ما بيكون مضايقه لا بلبوكة ولا إذا كان حيط بس للأذى وين راحت إيام زمان بعدين هلأ الفرن صار مشكلة لك رووووووووووووووووووووووووووووحوا دوروا على مشاكلكم أحسن ما توجعوا راس العالم
1 نوفمبر, 2007 قي الساعة 12:45 pm
ياناس لقد تركنا طرح الحلول لهذه المشكلة وهي مشكلة الإزدحام على الأفران وعدم تمكن الناس من أخذ حاجتهم من الخبز بالسرعة اللازمة وذهبنا إلى مهاترات وكلام فيه تجريح للأخرين وكلام بالعامية فأنا لاأدافع عن أحد ولكني أقول اللهم أعن القائمين غلى هذا الفرن واحمل معهم وأخص أبو وائل لأنه في الواجهة يتحمل جميع الناس برهم وفاجرهم وذلك بسبب جودة خبزهم والأفران الأخرى تنتج خبزاً من الدرجة العاشرة وبعضها لاأسميها لاتعطي المواطن الوزن الصحيح وربما تعد الخبز عداً بلا وزن ولاهم يحزنون ولكن في النهاية الجميع يأخذون الخبز في تلك الفترة التي تخصص للفتح
والحل يكون بأن تقوم البلدية بإنشاء فرن كبير وهو مشروع استثماري للبلدية والبلدة
تؤجره البلدية وتشرف عليه يفتح ليلاً نهاراً ولو أخذت بعض مخصصاته من مخصصات الأفران الأخرى والباقي يكون بعمل المعنيين لزيادة مخصصات المدينة من الطحين
أسوة بالمناطق الأخرى مثل داريا وجديدة وحرستا وغيرها
2 نوفمبر, 2007 قي الساعة 4:44 pm
بسم الله الرحمن الرحيم
الحل هو وضع حاجز حديدي بالفرن لا يسع لأكثر من شخص وبالتالي الناس ستلتزم بالدور حتما .يعني حاجز لتسليم الكروت وحاجز لتوزيع الخبز
ممكن يتغير واجة الفرن ويكلف هدم وبناء وتجهيزة بطريقة مدروسة
هكذا يصبح موضوع السرقة اخف ومكشوف……
هذه فكرة آسف للتدخل فيما لايعنيني وسلامي إلى أخي وصديقي محمد عدنان الصياد
وعبد الهادي
والسلام مسك الختام…….
2 نوفمبر, 2007 قي الساعة 6:07 pm
ايها الاخوة سامحوني على القسوة في كلامي وفي كل موضوع يطرح في هذا الموقع (موقع الكسوة) من ظاهرة الماء الى اتساخ الشوارع الى الكهرباء ال…. نجد بأن صلب المشكلة ليست الا في المواطن نفسه فالفوضي اصبحت جزء مهم من حياتنا اعتدنا من خلالها على ممارست حياتنا اليومية ويبقى الهم الوحيد دائما” في(( السلوك ))جوهر الانضباط الذي لم يعلمونا أياه في المدارس والجامعات وكل ماتعلمناه ان نبارك دائما” مسيرة التجديد والتطوير ونهتف بالشعارات ونصوت للمجالس والغرف . انا بدوري لااستطيع ان اضبط سلوكي ولاكني سأعلم اولادي ان يقفو ا بانتظام لعلي بذلك اكفر عن سلوكي السيء
1 ديسمبر, 2007 قي الساعة 12:59 pm
لماذا لا تضعوا فواصل بين كل ضاقة من الحديد
2 ديسمبر, 2007 قي الساعة 2:02 pm
المجتمع السوري كله ظاهرة تخلف……….. فلماذا النقاش
و اطلب من السيد محمد مكي طه حفظه الله أنا يلتفت لمستقبله قبل الحديث عن
(( السلوك )) وبناء الأجيال.
7 ديسمبر, 2007 قي الساعة 6:20 pm
اشكر اهتمامك يا سيد عبد الجبار بمستقبلي ولاكني أظن اني ذكرت في حديثي السابق اني صاحب سلوك سيء ولست من اولائك اللذين يبيعون الوطنيات اما بالنسبة لموضوع وضع الخبز على سيارتك فأنا اقترح ان تخصص البلدية مبلغ معين مليون او ماشابه ذلك لبناء كراج لسيارتك ووضع حارس امن لذلك وتخصيص وايت ماء لغسيل السيارات المتضررة وبذلك نكون قد حللنا كل مشاكل الفرن ونهضنا بهذه الامة الى الامام
20 ديسمبر, 2007 قي الساعة 6:50 pm
تقبـــــــــــــــــــــــــــــل اللـــــــــــــــــــــــــــــه طــــــــــــاعاتكــــــــــــــــــــــــــم
وكــــــــــــــــــــــــل عــــــــــــــــــــــــــام وأنتـــــــــــــــــــــــــــم بخيــــــــــــــــر
1 فبراير, 2008 قي الساعة 9:38 pm
بعد السلام والتحيه ارجو من القائمين على الموقع الغاء هذا الموضوع لانه اخذ منحنى سلبي غير المنحنى المطلوب وكم اتمنى من الجميع ان يعلم ان النقاش الحر جميل اذا كان النقدبناء وسلامي للجميع
22 فبراير, 2008 قي الساعة 8:24 pm
لك يا جماعة حل المشكلة بسيط هو انو يلي عم يبيعو الخبز للناس المحترمين ما يبيعو الا على الرقم وهيك العالم ما بتضطر تدابح كل واحد بدو يسابق التاني صحيح هن عاملين رقم بس شعبنا لا حول ولا قوة الا بالله ما بعرف شو قصتو ليش ما بحب الرتابة يعني لو صفو عالدور ورا بعضون شو بصير يعني
شغلة تانية ليش كل فرانا بالكسوة فقط وما بتلاقيها باي مدينة اخرى بتفتح وبتسكر بسرعة وكانو حدى لا حقهون بعصاي وليش مافي ولا فرن يفتح الساعة 10 صباحا ويسكر الساعة 6 مساء على سبيل المثال حدا يجاوبني منشان الله
2 مارس, 2008 قي الساعة 7:08 pm
هاد تخلف
16 يونيو, 2008 قي الساعة 11:15 am
كلام بكلام وإن لم ينتهي الكلام لن تنتهي المشاكل فليذهب وجهاء مدينة الكسوة وكل من يهمه الأمر إلى الأستاذ عبد العزيز الأصفر وتحاوره في هذه المشكلة وكفى جلوساً على الكراسي والكتابة على الكمبيوتر ……..
4 يوليو, 2008 قي الساعة 7:12 pm
أظن بأن المشكلة ليست بزيادة المخصصات
وليست بحاجز النساء أو الشباك
بل 000000
1-بيع الأفران الخبز للمطاعم بكميات هائلة
2-بيع الطحين للأسواق
3-لعدم وجود نظام كاشير
………ملاحظة………………..
يوجد ربطات سياحية لمن يريد الررررررررررربطات
مثال:شمسين\تفاحه\\\\\مخبز السياحي…….إلخ………
17 يوليو, 2008 قي الساعة 12:01 pm
المشكلة اولا فينا لانو نحن ما منحب النظام والدور
الحل
1-نظام كاشير
2- شرطي يقف امام الفرن لتنظيم الدور
فمهم كان ازدهام ادراة الفرن الكريم وابو وائل بدون يمشونا ويخلصو من وجع الراس
16 أكتوبر, 2008 قي الساعة 2:21 pm
السلام عليكم ورحمة الله وبركاته
أكيد كل شخص عنده رأي وبنظره رأيه الصح
والأفران وين ما كان هيك بتكون يعني من الطبيعي يصير زحمة يعني وين في عالم ما بياكلو خبز وين في فرن ما فيه عجقه هالشي من الطبيعي الطبيعي الا اذا فينا نفوت على
عقل وطبع كل شخص وقلنالو ما يعصب وما يستعجل فكل
الأشخاص بدهن يجيبوا خبز ويروحوا اما للمدارس ا و الجامعات او الشغل او اوا او ………وأكيد ما حيبقى ناطر
ببرودة أعصاب للساعة 10ليجيب خبزاته ومن حقه يستعجل
وبعدين خلينا نقول الحمد الله اللي ما لنا متل العراق أو فلسطين أو لبنان أو مصر شو ماصار ببلدنا خيرولازم نقول الحمد لله اللي عمنقدر نشتري خبز ولازم ما نكبر المشكلة
واللي كتير حسه مرهف ينزل على شمسين وتفاحة وهنيك بيلاقي اللي بدو ياه وشكرآ الكن
ليس كل ما يتمنى المرء يدركه ولازم كل شخص يحط حاله محل الشخص الأخر ويعيش حالته فأكيد الشخص اللي عميفيق من الساعة 5ليجيب خبزه مو متل الي عم يفيق الساعة 8مو متل اللي عميفيق الساعة 10
لأزم نلتمس الأعذار لبعض ولا كيف ………….منكون حضاريين
بمراقبة بعضنا وانتقاد بعضنا وشكرآ الكن ولقلبكن الوااااااااااااااااااااااااااااااااااااااااااااااااااسع
10 نوفمبر, 2008 قي الساعة 5:08 pm
بصراحة ومن الاخير بلد خربانة……..
26 نوفمبر, 2008 قي الساعة 8:30 pm
سأصبر حتى يفجر الصبر عن صبري واصبر حتى ينظر الله في امري واصبر حتى يقول الصبر اني صبرت على شىء امر من الصبر 0 احسن شي الله يديمها نعمه