الموقع الرسمي لمدينة الكسوة وما حولها

38 عدد التعليقات على موضوع “ظاهرة الازدحام المروري”

1. محي الدين الجيرودي -الامارات يعلق:
   13 سبتمبر, 2007 قي الساعة 2:01 am

   نفس الموضوع دائماً ولا احد يستجيب السير في اتجاه واحد وقمع المخالفات

2. المحامي بسام رابعة يعلق:
   14 سبتمبر, 2007 قي الساعة 10:01 am

   هذا الامر اكيد وكل شخص وكل مواطن يريد لبلده ان تكون من افضل البلدان
   وان شاء الله تعالى سيكون هذا الامر من اولويات المجلس الجديد

   وسوف يرى المواطنين هذا الامر ان شاء الله

   وسوف يتم التشديد على الاتجاه الواحد وكل مخالفة تستوجب المسئولية

3. ابراهيم الخاوندي يعلق:
   16 سبتمبر, 2007 قي الساعة 12:49 pm

   يا زلمه وين ما عم روح على الاقسام عم لاقيك

4. ابراهيم الخاوندي يعلق:
   16 سبتمبر, 2007 قي الساعة 12:50 pm

   انت والاخ محي الدين

5. [محمد] يعلق:
   17 سبتمبر, 2007 قي الساعة 5:18 am

   يعني بلا موخذة مابدها لاتخطيط ولا تفكير ولا عبقرية زايدة … خلي كم شرطي من النايمين بالمخفر يحرك حالو شوي ويعملو نزلة عالشارع … ممنوع المخالفة … ممنوع الوقوف , وخلصت القصة كلها , بس هنن مابدهون يتحركو.

   ملاحظة للمعلقين وللزوار :
   لا تتئملو كتير من المجلس الجديد , متلو متل اللي سبئو , مع احترامي للاعضاء , بس بكرة بيلتهو بخلافات شخصية بيناتون ومابيصير شي

6. الى محمد يعلق:
   17 سبتمبر, 2007 قي الساعة 5:21 am

   احييك وانا معك للعظم وكلامك مزبوط ميه ميه

7. كسوانيه وافتخر يعلق:
   17 سبتمبر, 2007 قي الساعة 5:24 am

   اخ محمد ما تقصد بالخلافات شخصيه نرجو التوضيح

8. كسوانيه وافتخر يعلق:
   17 سبتمبر, 2007 قي الساعة 5:25 am

   اخ محمد ماذا تقصد بالخلافات السخصيه نرجوا التوضيح ؟؟؟؟؟؟؟؟؟؟؟؟

9. Mos3ab يعلق:
   20 سبتمبر, 2007 قي الساعة 10:19 pm

   اي شو الشغلة وقفت على الزحمة
   سيارات بمدخل البلد
   وسيارات بتصف بالشارع العام عالمين والشمال
   وعند المستوصف على احلى
   شوفولكن شي حل
   (( Mos3ab Gonem ))

10. مواطن شريف يعلق:
    22 سبتمبر, 2007 قي الساعة 9:29 am

    إلى أهالي الكسوة الأحباء أيد وحدة ما بتزئف لازم يكون في تعاون وثيق ما بين المجلس وكل واحد بيعتبر حالو كسواني مثلاًً كل هالتكاسي يلي على الدوار شو عم تساوي و باصات الحرجلة واقفة على الدوار شو ماعملوا كراج ولا بالرشوة كلشي ماشي لك أخ شو بدو الواحد يحكي ( وأحلى تحية ملؤها الحب والأمل للأساتذة م. عبد العزيز الأصفر و المحامي فراس الفرواتي و م. عماد الصياد و المحامي بسام رابعة والأستاذ الكبير محمد عدنان الصياد وفيكون البركة يا شباب وسلام )

11. taj يعلق:
    25 سبتمبر, 2007 قي الساعة 5:08 am

    تصويت

    1-عدم السماح للسيارات بالوقوف على طرفي الشارع
    ويظل كما كان سابقا ذهاب واياب

    2- توحيد السير باتجاه واحد من الدوار الى دوار الثوم

    3-توحيد السير باتجاه واحد من دوار الثوم الى الدوار الرئيسي

    4 - رصف الشارع بالرخام وتزينه بالورود والبحرات وتخصيصه للمشي فقط متل (الصالحيه)

12. عامر احمد رضوان الخاوندي (السعودية) يعلق:
    4 أكتوبر, 2007 قي الساعة 4:28 am

    يا اخي الغلط كلو من يلي بوقف على طرف الشارع وياريت بصف متل العالم لأ بوقف بنص الطريق وفكرة انو الطريق بإتجاه واحد مع احترامي للي سوا القرار غلط….
    والله الموفق والله يعين صاحبين محلات الشارع الرئيسي

13. المحامي بسام رابعة يعلق:
    4 أكتوبر, 2007 قي الساعة 6:42 am

    بسم الله الرحمن الرحيم
    في البداية اظن من يتابع اخبار الشارع الرئيسي يلاحظ بشكل مباشر اتجاه السير حيث بدات البلدية بتشكيل دوريات مرورية لهذا الغرض
    ان شاء الله سوف تبقى هذه الحالة دوما

    ام بالنسبة الى موضوع الارصفة هذا الموضوع شوف ينتهي مباشرة بعد العيد ان شاء الله ولن يكون هنالك اي استثناء لاي شخص مهما كان
    وسوف يتعامل المجلس مع هذا الامر بحزم وسوف يرى كل الناس ذلك

    اما موضوع التكاسي فهذا الموضوع سوف ينتهي ايضا بعد العيد ايضا

    واتمنى من الاخوة الكرام اعطاء المجلس فترة قصيرة من الزمن ليرو ما سوف يفعلون ان شاء الله
    حيث المجلس لم يمضي عليه غيرة فترة قصيرة جدا جدا

    وشكرا لكم وعلى تعاونكم واتمنى اي ملاحظة موجودة ان تكون محل نقاش

14. مروى يعلق:
    4 أكتوبر, 2007 قي الساعة 11:48 am

    ان شاالله يصير يللي عم تحكي ياأستاذ بسام ومعليش لبعد العيد الكبير……………..

15. عنجد مهزلة يعلق:
    8 أكتوبر, 2007 قي الساعة 1:13 pm

    المحامي بسام رابعة …… بحب الك عنجد مهزلة هالحكي الي حكيتو ….
    اهم شغلة بالشارع الرئيسي يلي عم تسوي هالزحمة , هيي انو في كم محل مسكر الارصفة ونص الشارع وما عم تحسن تحكي معهن البلدية والمجلس هاد ولا المجلس السابق ما عم يطلع بأيدو شي … هي محلات عودة وسلحوبة والمصري والبزال و ابو سليم دولة …. يعني بالمشرمحي هي الشغلات هيي يلي رح تفرجينا قوة المجلس ….
    مو والله رح نزبط شوي مشان يقولو انو عم نشتغل …
    وبحب خاطب الشيخ حسين حميض يلي بحب دائما يستخدم المنابر لمواضيع خاطئة دون تفكير
    الجمعة الماضية يمكن حكى انو يلي عندو سيارة مو ضروري ينزل فيها عالشارع الرئيسي … وانا بحب الو انو اذا ما نزل بالسيارة وين بدو يمشي عالرصيف يلي مشتريينو المحلات من البلدية يعني بحب اول للشيخ انو يفكر شوي عالقليلة مو كل ما يقول واحد كلمة دغري بقولها على منبر رسول الله

16. المحامي بسام رابعة يعلق:
    8 أكتوبر, 2007 قي الساعة 4:49 pm

    السيد الذي اسمى نفسه عن عجد :
    كلامك بالنسبة الى موضوع الشارع يتقبل الصواب في ناحية واحدة وهي موضوع الرصيف ولقد تكلمت في مقالي ان المجلس وبعد العيد مباشرة سوف لن ترى اي اشغال لرصيف فقط امنح المجلس بعد العيد مباشرة فهل هذا كثير
    مشكلة اصبح لها وقت طويل ومن حق المواطن ان يمشي على الرصيف وهذا الاخلاف عليه

    ومن ثم لماذا تأخذ كلامي مهزلة انني تكلام وبشكل صريح ومن دون اي مواربة مع احد وهذا واجبنا
    انتظر الى بعد العيد فقط وسوف ترى ما يرضك ويرضي جميع الناس ان شاء الله

17. اسماعيل يعلق:
    28 أكتوبر, 2007 قي الساعة 11:16 am

    الله بيبلي و الله بيعين

18. محب مدينة الكسوة يعلق:
    31 أكتوبر, 2007 قي الساعة 7:12 pm

    السيد المحامي أقول لك الحل موجود وهو إزالة الأبنية على جانبي الشارع الرئيسي من عند الجبل إلى النهر لكي يكون عرض الشارع أكثر من كيلو متر عندها فقط تسير السيارات باتجاهين وبحرية تامة
    الحل الثاني هو سقف الشارع الرئيسي بالتوتياء لكي يصبح كسوق الحميدية ووضع باب رئيسي في أول وأخر الطريق فعندها فقط يستطيع الناس المشي بحرية والتسوق من البسطات التي سوف توضع في وسط الشارع بدل مايسمى بسوق الإثنين
    الحل الثالث هو وضع تل فريك ينتقل عليه المواطنين من أول الشارع إلى أخره وبالعكس فعندها يصلون بسرعة ويستمتعون بمنظر الأرصفة الممتلئة بالخضار والفواكه من كل الألوان والأنواع
    أما الحل الرابع وهو بيت القصيد فهو وهذا جد متابعة استملاك شارع الجلاء وهو الشارع من جامع الشيخ فياض حتى طريق دمشق درعا كونه الشارع المساعد للشارع الرئيسي

19. Keswa_Soul يعلق:
    9 نوفمبر, 2007 قي الساعة 11:11 am

    الله عليك يا محب مدينة الكسوة شو انت فلهوي يلا يا شباب خلوا ماشية ولا حدا يسأل عن شي لان لحنا تعودنا على الغلط والله وكيلكن في احلى من العجئة وكل كم يوم خنائة شي بفرح ومشكور يا استاذ بسام كتير وانا بحيي جهودكن بس لا تتعبوا كتير لانها باينة ما بتزبط البلد بالمرة بالمرة بالمرة
    ودنب الكلب اعوج لو حطوه ب 1000 قالب

20. كسواني عن جد يعلق:
    5 ديسمبر, 2007 قي الساعة 3:41 pm

    أول شي بحب أشكر محب مدينة الكسوة على هذه الحلول القيمة وأتمنا أخذها بعين الأعتبار لأنها عنجد هي الحلول بدها تخلصنا من أزمة الشارع العام
    وبقدملكن حل نهائي وهو أزالة هذه البلد من الوجود وهيك منرتاح ومنريح ومنخلص من أزمة الشارع العام

21. محمد غنيم يعلق:
    6 ديسمبر, 2007 قي الساعة 5:31 pm

    أول شي بحب أشكر محب مدينة الكسوة على هذه الحلول القيمة وأتمنا أخذها بعين الأعتبار لأنها عنجد هي الحلول بدها تخلصنا من أزمة الشارع العام
    عدم السماح للسيارات بالوقوف على طرفي الشارع
    ويظل كما كان سابقا ذهاب واياب

    2- توحيد السير باتجاه واحد من الدوار الى دوار الثوم

    3-توحيد السير باتجاه واحد من دوار الثوم الى الدوار الرئيسي

22. محب للكسوة يعلق:
    10 ديسمبر, 2007 قي الساعة 8:05 am

    ان الكلام الذي تقولونه يا مجلس مدينتنا لم نرى منه تنفيذ باي شكل من الاشكال او اي عمل لصالح المدبنة سوى التحفير للهاتف واكيد بعد فترة سيتم التزفيت و من ثم التحفير مجدداً ؟؟؟؟؟؟؟؟؟؟؟؟؟؟؟؟؟؟؟؟؟ظظظ

23. انس الزهنان يعلق:
    14 يناير, 2008 قي الساعة 4:20 pm

    ما في فايدة انها تخلص هل الازمة لانها يمكن صعب علينا حل المشاكل بوقت قصير وفي عنا كتير امثلا هذا الكلام من محبتي للكسوة واهلها واتمنى للمجلس التوفيق ولو ما بعرفو الجالية الكسوانية في البحرين

24. عاشق الكسوة يعلق:
    12 فبراير, 2008 قي الساعة 2:42 pm

    توجد ظاهرة جديدة في مدينة الكسوة وهي وقوف الهوندايات في اول شارع الرئيسي امام المحلات ******** وبحب ان اقول يجب من مجلس مدينة الكسوة الجديد ان يأخذ قطعة ارض من الحواصل ويجعلها موقف للتكاسي والهوندايات ويسورها ويجعل لها بابين للخروج والدخول وهكذا يصبح مدخل المدينة جميل ورائع

25. عاشق الكسوة يعلق:
    12 فبراير, 2008 قي الساعة 3:15 pm

    اولا بحب ان اشكر رئيس مجلس بلدية الكسوة الجديد عبد العزيز الاصفروجميع اعضائع البلدية وثانيا بحب ان اقول مشان الحواصلا الخشب الموجودة في مدخل المدينة هل هذا منظرحضاري وهل يجب ان يكون في مدخل المدينة وبحب ان اقول يجب اخذها الى مكان اخر لائق اكثر

26. عاشق الكسوة يعلق:
    13 فبراير, 2008 قي الساعة 8:14 am

    بحب ان اقول ان شوارع هذا البلد العامة وبشارعها العام بخاصة يجب من اهالي هذا البلد ومن اعضاء مجلس هذا البلد ان يرفعوا كتاب الى مكتب المحافظة من اجل ان يشيلو( عواميد الكهرباء) وان يجعلوها تحت ارض هذا البلد وبحب ان اقول لكم ان كل بلدان العالم لا يوجد اي (عامود كهرباء)على الارض ولكن الكهرباء تحت الارض ليش بس بسوريا موجودة( العواميد الكهرباء) وهكذا تصبح سوريا جميلة وتصبح الكسوة رائعة من دون (عواميد الكهرباء )

27. زهير النجار ( الامارات) يعلق:
    15 يوليو, 2008 قي الساعة 6:59 pm

    ان موضوع الشارع الرئيسي مشكلة يعاني منها اهل الكسوة من زمن بعيد ونرجو فعلا حل هذه المشكلة بالذي ترونه مناسب المهم فعلا حل هذه المشكلة وانسب حل فعلا هو عدم وقوف السيارات عالجانبين ومخالفة كل من لا يحترم حرمة الشارع الرئيسي السير باتجاه واحد وعدم وقوف السيارات على الجانبين كل ما نريد واعتقد هذا رأي الاكثريه ولكم جزيل الشكر

28. غير معروف يعلق:
    22 يوليو, 2008 قي الساعة 6:05 pm

    ياجماعة اتركوا الحواصل بهمها وكأنو مافي مشكلة غيرها وارجعوا لمشكلة الش

29. الوحداني يعلق:
    31 يوليو, 2008 قي الساعة 6:41 am

    السلام عليكم ورحمة الله وبركاته
    يا اخوان مشكلة الشارع العام بسيطه لو احنا ناوين نتعاون ونحلها
    بس نحنا ما بدنا نكون متقدمين ومتحضرين
    مو ضروري كل واحد من البلد بيشتغل سائق كرنك(سفريات)يجيب الباص للبلد حتى الناس كلها تعرف انو بيشتغل على كرنك
    والسيارات الشحن ممنوع تدخل البلد (الا للضروره)
    وبتنحل المشكله كلها.
    قالهم للشيخ زايد الله يرحمه بدنا نزرع الصحراء
    قالولو ما بيمشي الحال
    قالهم بنجرب ومشي الحال
    ياريت نجرب ونمنع الشحن والكرنك من دخول البلد

30. كسواني واعتز يعلق:
    31 أغسطس, 2008 قي الساعة 9:49 pm

    الكلام موجه لرئيس البلدية السيد عبد العزيز الاصفر السنة الماضية كنت عم تنزل عالشارع العام وتشوف بعينك يس هي السنة مابعرف شوالقصة بدي قلك انو الزحمة مو بس برمضان والشرطة النايمين خليهن يحركو حالهن لانو ماعم يشتغلو ببلاش وشكرا جزيلاسامحنا كسواني واعتز

31. كسواني يعلق:
    13 سبتمبر, 2008 قي الساعة 5:02 pm

    مشكلة المرور في الكسوة لها عدة اسباب:

    منها قيادة القاصرين -الاولاد - للسيارات مما يسبب الازدحام
    كذلك وجوج سيارات كثيرة على جانب الطريق والسبب الرئيسي والذي يصعب حله (وهو الحل الجذري) هو ضيق الشارع فهو ليس عريض بما يكفي ويجب توسيعه !!!!

32. some one يعلق:
    1 أكتوبر, 2008 قي الساعة 5:57 am

    ما زلنا ننتطر الى ما بعد العيد وبصراحة يللي قالو محب مدينة الكسوة مستحيل يصير اصلا كل شي عم نقولو احلام والاحلام ما بتصير يعني الحل الوحيد نحط ملح على الجرح ونسكت بس نبقى نحل مشاكل اهم متل المي والكهرباء بنبقى بنحل هالمشكلة وغيرها اشو لحنا قاعدين بالusaلحتى حدى يرد علينا بس احلى حل هو تبع كسواني عنجد بناسب الجميع

33. الكسوة وبس يعلق:
    11 أكتوبر, 2008 قي الساعة 11:28 am

    والله كل الحلول اللي نذكرت لازم حدا ينظر فيها
    بس شو فائدة الحكي إذا ما حدا عم يسمعو
    لازم نبلش من حالنا قبل ما نحط الحق على البلدية والشرطة طبعا بدون ما اجردهم من المسؤولية
    فنحنا يلي عم نعترض ما في واحد إلا الو قريب عندو محل بالشارع وهو بيصف سيارتو بالبلد والكل لما بيحكي عم ينسى حالو بقا الحل منا وفينا
    مع مساعدة بسيطة وجادة من الجهات المعنية

34. حسين علي حميض يعلق:
    15 أكتوبر, 2008 قي الساعة 4:41 pm

    أصلحني الله وإياك يأخي لوأنك نصحت وأنا أتقبل منك النصيحة بدل هذا الكلام فاأنا لست ممن يستخدم المنبر لمثل ماتقول والله أسأل أن يغفر لي ولك ولجميع المسلمين
    ياعنجد مهزلة

35. كسواني ومبتلي يعلق:
    28 أكتوبر, 2008 قي الساعة 8:09 pm

    الله يوفق الجميع على فعل الخير والله يهدي البال وشكرررررررررررررررررررررر

36. كسواني ومبتلي يعلق:
    28 أكتوبر, 2008 قي الساعة 8:20 pm

    انا بقول انو المشكلة مارح تنحل غير حل مؤقت كالعاده على كل حال بعين الله

37. مهند ش يعلق:
    28 نوفمبر, 2008 قي الساعة 11:27 am

    اقترح اغلاق الشارع بابواب حديديه من حارة حجازي الى امام مجمع ام القرى وترك باقي الشارع موقف سيارات ماجور لصالح البلديه كل سياره ب25 ل س وهيك الفائدة 2 بواحد

38. مهند ش يعلق:
    28 نوفمبر, 2008 قي الساعة 11:38 am

    123 محل و60 مكتب طبيب ومهنس ومحامي 78 زبون وكل واحد معو سيارة . ياريت يمشي ويترك سيارتو ببيتو وهيك بتتشكلس الامور مع تحيات العضو الجديد ابو الوليد

أضف تعليق